PAMMILANGNGANG 8:12 - KITTA' MATANGKASA'

¹² Nampa tu Lewia musti napadongkoki limanna ke'nanga irate ri tompo' ulunna anjo ruaya sapi laki; anjo sikayua musti nipassareangi untu' koro'bang pammopporang dosa, nampa anjo sikayua pole untu' koro'bang nitunu. Kammaminjo upacarana nanitangkasi tu Lewi.

PAMMILANGNGANG 8:12 ပူးပေါင်းရင်းမြစ်များ

KALAPPASSANG 29:10

Nampa musti nuerang anjo sapi lakia mae ri dallekanna KemaKu. Harun siagang ana'-ana'na musti napadongkoki limanna ke'nanga irate ri ulunna anjo sapia.

KAIMANGNGANG 1:4

Nampa musti napadongkoki limanna irate ri tompo' ulunna anjo olo'-oloka, na Natarimamo Batara anjo passarena untu' nipammopporang dosana.

KAIMANGNGANG 14:22

Musti angngerang tongi ruang kayu jangang-jangang bodobangkeng rungka yareka bukkuru' rungka: sikayu untu' koro'bang pammopporang dosa na sikayu pole untu' koro'bang nitunu.

KAIMANGNGANG 16:11

Punna le'baki napassareang siagang nasamballe Harun sapi lakia untu' pammopporang dosa kalenna siagang dosana sikontu kaluargana,

KAIMANGNGANG 16:21

Musti napadongkoki rua-rua limanna irate ri tompo' ulunna anjo bembea nampa naakui ngaseng sikontu kasalanna, dosana siagang gau' salana bansa Israel. Lanri kammana anjo nipalette' ngasemmi sikontu kasalanna bansa Israel mae ri ulunna anjo bembea. Nampa kalase'renna tau nisarea tugasa' musti nabongkai anjo bembea mange ri parang lompoa.

KAIMANGNGANG 16:6

Musti napassareangi Harun sikayu sapi laki untu' koro'bang pammopporang dosa mae ri kalenna siagang sikontu kaluargana.

KAIMANGNGANG 4:15

Sikamma pamimping bansaya musti napadongkoki limanna ke'nanga ri tompo' ulunna anjo olo'-oloka, nampa nasamballe ri anjo tampaka.

KAIMANGNGANG 4:20

Ia carana sangkammai passare sapi laki nipassareanga untu' nipammopporanna dosaya. Kammaminjo carana Imang Lompoa ampassareangi koro'banga untu' nipammopporanna dosa-dosana ummaka, na nipammopporammo anjo dosa-dosaya ri Batara.

KAIMANGNGANG 4:35

Nampa musti nialle ngaseng sikontu jannana anjo olo'-oloka sangkamma nigaukanga ri koro'bang passiamakkanga. Anjo jannaya musti nitunui irate ri tampa' pakkoro'bangnganga, siagang ngaseng koro'bang nikanre maraenganga ia nipassareanga mae ri Batara. Kammaminjo carana imanga ampassareangi koro'bang untu' nipammopporanna dosana anjo taua, na nipammopporammo dosana ri Batara.

KAIMANGNGANG 4:4

Anjo sapia musti nierangi mange ri pakke'bu' KemaNa Batara. Musti napadongkoki limanna Imang Lompoa ri tompo' ulunna anjo olo'-oloka, nampa nasamballe ri dallekanna Kemaya.

KAIMANGNGANG 5:7

Mingka punna tena pakkullena anjo tau kasalanga appasadia gimbala' yareka bembe untu' antangkasi dosana, musti angngerangi sipasang jangang-jangang bukkuru' yareka jangang-jangang bodobangkeng rungka, sikayu untu' koro'bang nipammopporanna dosana, nampa sikayu pole untu' koro'bang nitunu.

KAIMANGNGANG 8:14

Le'baki anjo angngallemi Musa sikayu sapi laki rungka untu' koro'bang pammopporang dosa. Harun siagang sikamma ana'na napadongkoki ke'nanga limanna ri tompo' ulunna anjo olo'-oloka.

KAIMANGNGANG 8:15

Nampa nasamballe Musa siagang naalle sipa'gang cera'na anjo olo'-oloka. Anjo ceraka napasapui siagang karemenna mae ri tanru'-tanru' niaka ri sikamma panyingkulu'na tampa' pakkoro'bangnganga, sollanna nitangkasi anjo tampa' pakkoro'bangnganga untu' Allata'ala. La'binna anjo ceraka napatiriki naung ri dapara'na tampa' pakkoro'bangnganga. Kammaminjo carana nitangkasi anjo tampa' pakkoro'bangnganga siagang nisa'la' untu' Batara.

KAIMANGNGANG 8:18

Nampa angngalle Musa gimbala' laki untu' koro'bang nitunu; na Harun siagang sikamma ana'na napadongkoki limanna ke'nanga ri tompo' ulunna anjo gimbalaka.

KAIMANGNGANG 8:34

Naparentakangi Batara sollanna anne apa nigaukanga anne alloa nigaukangi pole situlusu'na. Lanri iaminne upacaraya na nipammopporang dosa-dosanu.

KAIMANGNGANG 9:7

Le'baki anjo nakanamo ri Harun, “A'lampako mange ri tampa' pakkoro'bangnganga siagang pasadiai koro'bang pammopporang dosaya kammayatompa koro'bang nitunua, sollanna Napammopporang Batara dosanu siagang dosana ummaka. Gaukangi anjo kammaya situru' Naparentakanga Batara.”

PAMMILANGNGANG 6:14

siagang angngerang mae ri Batara tallung kayu olo'-olo' tenaya callanna: sikayu ana' gimbala' laki umuru' sitaunga untu' koro'bang nitunu, sikayu ana' gimbala' gana umuru' sitaunga untu' koro'bang pammopporang dosa, siagang sikayu gimbala' laki untu' koro'bang passiamakkang.

PAMMILANGNGANG 6:16

Musti naerang ngasengi imanga sikammaya anjo mange ri dallekanNa Batara, nampa assare koro'bang pammopporang dosa siagang koro'bang nitunu.

PAMMILANGNGANG 8:13

Sa'laki tu Lewi untu' iNakke siagang suroi ke'nanga allayani Harun siagang sikamma ana'na.

PAMMILANGNGANG 8:8

Nampa suroi ke'nanga angngalle sikayu sapi laki rungka siagang koro'bang nipatala battua ri labu' nipasileo' minynya'. Nampa musti nualle sikayu sapi maraenga untu' koro'bang pammopporang dosa.

IBRANI 9:22

Kammami anjo pangngatorang agamana tu Yahudia, angkanaya yangaseng-ngasenna parallui nitangkasi siagang cera'; kammayatompa iapa nakkulle nipammopporang dosaya punna nia' cera' tassolong.