PAMMILANGNGANG 6:2 - KITTA' MATANGKASA'

² ampassareangi anne paratorang-paratorang kammaya mae ri tu Israel. Sikamma tu bura'nea yareka tu baine attinjaka untu' antangkasi tallasa'na untu' Batara salaku tau attinja',

PAMMILANGNGANG 6:2 ပူးပေါင်းရင်းမြစ်များ

KALAPPASSANG 33:16

Antekamma lakkulle naasseng taua angkana mangngellaiKi' ri nakke siagang mae ri anne bansaya, punna tena Kitulungi ikambe? KahaderanTa o Batara, ri tangnga-tangngana ikambe iami la'jari pammatei angkanaya tena nasangkamma ikambe siagang bansa-bansa maraenga ri anne linoa.”

PANGNGEBARANG 18:1

Tau ampakabellayai kalenna battu ri paranna tau kalennaji bawang naparhatikang; yangaseng panggappana taua nageakki.

YEREMIA 35:6

Mingka appiali ke'nanga angkana, “Tena nangnginung anggoro' ikambe. Boena ikambe iamintu Yonadab ana'na Rekhab, napisangkai ikambe kammayatompa jari-jarina ikambe angnginung anggoro'. Anjo pappisangkaya tappakei sa'genna satunggu-tungguna.

KAIMANGNGANG 20:26

Kusa'lakko battu ri alla'na bansa-bansa maraenga sollannu a'jari Kupatang. Musti matangkasakko lanri iNakke Batara, na iNakke matangkasakKa'.

KAIMANGNGANG 27:2

anne paratoranga untu' bansa Israel. Punna nia' tau nipassareang mae ri Batara untu' anrupai tinja'na, anjo taua musti nipasuluki siagang siapa are jaina doe'

PAMMILANGNGANG 30:3

Punna nia' se're tulolo ammantang ri balla'na manggena attinja' mae ri Batara, siagang nasikko' kalenna ri se'reang janji, nampa tenaja nakabattallangi manggena ri wattunna nalangngere' anjo passalaka, anjo tuloloa narupai anjo sikontu tinja'na yareka janjinna.

PAMMILANGNGANG 6:1

Nasuroi Batara anjo Musa

LUKAS 1:15

La'jari tu nipakalompoi ri dallekanNa Allata'ala. Talangnginungai anggoro' siagang inungang terasa'. Pakkaramula battu ri nilassukanna lanirurungangi ri RohNa Allata'ala.

LAMPA-LAMPANA 18:18

Le'baki anjo sallo iji ammantang Paulus ri Korintus. Mingka ri se'reang allo appala' kanami Paulus ri sikamma tau tappaka anjoreng, nampa a'lampa assombala' siagang Priskila na Akwila mange ri Siria. Battui ke'nanga mange ri Kengkrea, nasuro cukkuru'mi uu'na Paulus, le'baka a'jari la'bu siapa are sallona lanri tinja'na mae ri Batara.

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

GALATIA 1:15

Mingka lanri baji' atiNa Allata'ala, Napile memamma' ri wattu tenanapa nakunilassukang. Siagang Nakio'ma' untu' a'jari palayang mae ri Ia.

IBRANI 7:27

Tasangkammayai imang-imang lompo maraenganga, allo-alloa angngerang koro'bang lanri dosa-dosa kalenna rolong, nampa koro'bang lanri dosa-dosana ummaka. Isa, sikaliji bawang angngerang koro'bang untu' satunggu-tungguna, iamintu ri wattunna Napassareang KalenNa a'jari koro'bang.

HAKING-HAKING 13:4

Jari katutui baji'mi kalennu. Teako angnginungi anggoro' yareka inungang terasa', teako angnganrei apa-apa harang.

HAKING-HAKING 13:5

Punna lassu'mo ana'nu, tea sikaliko polongi uu'na. Nasaba' lalang nitianangang iji nale'ba' nipattantumo untu' a'jari tau attinja'. Iami labarjuang untu' allappassangi bansa Israel battu ri kakoasanna tu Filistin.”

HAKING-HAKING 16:17

Kala'busanna nasungkemi rahasiana Simson. Nakanamo Simson, “Tena le'bakapi nipolong uukku. Le'ba'ma' nipassareang ri Allata'ala a'jari tau nipileNa. Appakkaramula ri lassukku a'jari tuattinja' memamma'. Punna nipolong uukku, tappela'mi kagassingangku, la'jari lammama' sangkamma tau biasaya.”

1 SAMUEL 1:28

na lanri kammana minjo nakupassareang anne anaka untu' a'jari Napatang Batara lalang sikontu tallasa'na.” Le'baki anjo assambayammi ke'nanga ri Batara.