PAMMILANGNGANG 5:9 - KITTA' MATANGKASA'

⁹ Apa-apa mamo napassareang tu Israel mae ri Batara, anjo passare nisa'la'na a'jari bageannai imang antarimayai anjo passarea.

PAMMILANGNGANG 5:9 ပူးပေါင်းရင်းမြစ်များ

KALAPPASSANG 29:28

Iaminne kaputusangKu tenaya nakkulle nipinra: Ri wattunna battu ummakKu ampassareangi anjo koro'bang passiamakkanga, barambanna siagang bongganna anjo olo'-oloka iami bageanna sikamma imanga. Iaminjo passarena ummakKu untu' iNakke.

KAIMANGNGANG 10:13

Anjo rotia musti anjorengi ri tampa' matangkasaka nikanre, lanri battu ri iaminjo kanre le'baka nipassareang mae ri Batara, anjo rotia a'jari bageannu siagang ana'-ana'nu bura'nea. Iaminjo parentaNa Batara mae ri nakke.

KAIMANGNGANG 10:14

Mingka ikau ngaseng siagang ana'-ana'nu bura'nea siagang ana'-ana'nu bainea akkullei nukanre barambanna koro'bang nipappicinikanga siagang passare nisa'laka. Iaminjo bageanna sikamma imanga battu ri koro'bang passiamakkanna bansa Israel. Akkullei nukanre ri sambarang tampa' tenaya nara'masa'.

KAIMANGNGANG 10:15

Bongganna passare nisa'laka siagang barambanna passare nipappicinikanga musti nierangi siagang jannana koro'bang nitunua salaku passare nisa'la' mae ri Batara. Anjo bageang-bageanga ikau pata siagang ana'-ana'nu sa'genna satunggu-tungguna, sangkamma Naparentakanga Batara.”

KAIMANGNGANG 6:26

Imang ampassareangai anjo koro'banga musti nakanrei anjo koro'banga ri tampa' le'baka nipattantu untu' anjo, iamintu ri paranglakkenna KemaNa Batara.

KAIMANGNGANG 7:32

Bongga kananna musti nipassareangi a'jari sumbangang nisa'la'

KAIMANGNGANG 7:34

Barambanna siagang bongga kananna iami passare nisa'la' Naallea Batara battu ri passare napappicinikanga bansa Israel siagang nipassareanga mae ri sikamma imanga. Iaminjo sumbanganna bansa Israel mae ri sikamma imanga sa'genna satunggu-tungguna.

PAMMILANGNGANG 18:19

Sa'genna satunggu-tungguna, sikontu passare nisa'la' naeranga tu Israel mae ri Nakke, Kupassareangi mae ri kau siagang mae ri sikamma ana'nu bura'ne baine. Anne paratoranga nipakei sa'genna satunggu-tungguna siagang a'jari passikko' parjanjiang tenaya nakkulle nipinra, battu ri Nakke siagang ikau na jari-jarinu.”

PAMMILANGNGANG 31:41

Nampa napassareang Musa anjo passare nisa'laka mae ri Imang Eleazar untu' nipassareang mae ri Batara, situru' Naparentakanga Batara.

PAMMILANGNGANG 5:8

Punna matemo anjo tau napakarugia siagang tena bija pammanakang ma'reppese'na, anjo pappasuluka musti nipassareangi mae ri Batara, siagang a'jari bageannami imanga. Anjo pappasuluka tantamakkapi gimbala' lakia untu' upacara pannangkasi dosana anjo tau kasalanga.

PAOLE 12:26

Sikontu koro'banga siagang passare le'baka nupa'janjiang mae ri Batara, musti nuerangi mange ri tampa' Napilea Batara.