PAMMILANGNGANG 5:7 - KITTA' MATANGKASA'

⁷ anjo taua musti namangakui dosana siagang a'bayaraki pappasulu' siganna'na, nampa nitambai ruampulo parseng mae ri anjo tau nipakarugia.

PAMMILANGNGANG 5:7 ပူးပေါင်းရင်းမြစ်များ

PAMMUJI 32:5

Nampa kumangakuimo dosaku mae ri Katte, tenamo kasalangku kucokkoi. Kutappukimi ri pa'maikku untu' angngakui mae ri Katte, na Kipammopporang ngasemmo sikontu dosaku.

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

KAIMANGNGANG 26:40

Mingka lanaakui jari-jarinu dosana ke'nanga siagang dosana boe-boena ke'nanga, ia tamannurukia siagang angngewaya mae ri Nakke,

KAIMANGNGANG 26:41

sa'gengKu angngalle tindakang angngewai ke'nanga nampa Kubongka ke'nanga mange ri pa'rasanganna musu-musunna ke'nanga. Kala'busanna, punna tundu'mo jari-jarinu siagang le'ba'mi najappai hukkunganga lanri dosana siagang mangngewana ke'nanga mae ri Nakke,

KAIMANGNGANG 5:15

Punna nia' tau tena nakunjungi anggaukangi dosaya lanri takkaluppai ampassareangi sikamma passare parallua mae ri Batara, anjo taua musti angngerangi koro'bang passambe karugiang. Anjo koro'banga iamintu musti sikayu gimbala' laki yareka bembe laki ia tenaya callanna, siagang nianggaraka situru' tasserang ballinna ri KemaNa Batara.

KAIMANGNGANG 5:16

Anjo taua musti nabayaraki apa nakaluppaia riolo, nampa nitambai ruampulo parseng. Nampa musti napassareang anjo olo'-oloka mae ri imanga, nampa nakoro'bangkang imanga anjo olo'-oloka untu' pannangkasina dosana anjo taua, na lanipammopporang dosana ri Batara.

KAIMANGNGANG 5:5

Untu' sikamma anjo kasalang kammaya, parallui naakui taua kasalanna.

KAIMANGNGANG 7:7

Untu' koro'bang pammopporang dosaya siagang koro'bang passambe karugianga sangkammai paratoranna, iamintu: Dageng olo'-olo' nikoro'bangkanga iami bageanna imang tugasaka ampassareangi anjo koro'banga.

PAMMILANGNGANG 5:8

Punna matemo anjo tau napakarugia siagang tena bija pammanakang ma'reppese'na, anjo pappasuluka musti nipassareangi mae ri Batara, siagang a'jari bageannami imanga. Anjo pappasuluka tantamakkapi gimbala' lakia untu' upacara pannangkasi dosana anjo tau kasalanga.

LUKAS 19:8

Ri wattunna battumo ri balla'na Zakheus, ammentemmi nampa nakana ri Isa, “O Batara, lakupassidakkangi tawaruanna pa'barang-barangangku mae ri tu kasi-asia; namanna inai punna le'baki kutipu, lakubayaraki ammotere' sa'genna a'lappi appaka!”

YOSUA 7:19

Nakanamo Yosua ri Akhan, “Na', mangakuimi siagang paumi silambusu'na anrinni ri dallekanNa Batara, Allata'alana Israel, apa le'baka nugaukang. Pauamma', teako cokkoi.”