PAMMILANGNGANG 5:21 - KITTA' MATANGKASA'

²¹ poro Batara ampa'jari arennu passumpa pattunra ri alla'na bansanu. Poro Napa'jari poko' bonggannu akkapurru' siagang akkambang battannu.

PAMMILANGNGANG 5:21 ပူးပေါင်းရင်းမြစ်များ

2 PATTOTTORANG 21:15

Manna kalenta lanatabaki' garring ri parru', pila' allo pila' sannaki!”

NEHEMIA 10:29

Nipasse're ngasemmi kalenta siagang sikamma pamimpinna ikambe untu' assumpa lattallasa' situru' hukkunNa Allata'ala, ia le'baka Napassareang tete ri atanNa iamintu Musa. Poro nitunrai ikambe punna tanarupaia ikambe anne parjanjianga. Assumpai ikambe lamannuruki ri sikontu parentaNa, hukkunNa siagang paratoranNa Batara, Allata'alana ikambe.

PANGNGEBARANG 10:7

Pangngu'rangia mae ri tau bajika angngerangi barakka', mingka tau ja'dalaka lintaki nikaluppai.

YESAYA 65:15

Sikamma tau nipileKu lanapakei arennu a'jari pattunra: “Dasi-dasi naNabuno ngasengko Batara Kaminang Tinggia sangkamma ke'nanga!” Mingka tau mannurukia ri Nakke laKusarei areng beru.

YEREMIA 29:22

Napunna anjo sikamma tau le'bakamo niengka' battu ri Yerusalem mange ri Babel eroki natunra taua, angkanai ke'nanga, ‘Poro Nagaukang lalo Batara mae ri kau sangkamma le'baka Nagaukang mae ri Zedekia siagang Ahab, le'baka nitunu attallasa' ri karaeng Babel.’

PAMMILANGNGANG 5:27

Ebara' angkana le'baki a'gau' bawang anjo bainea, anjo je'neka langngerangi kapa'risang sannaka mae ri anjo bainea; akkambangi battanna siagang akkapurruki poko' bongganna. Arenna la'jarimi sumpa pattunra ri tangnga-tangngana bansana.

MATIUS 26:74

Assumpa-sumpa tojemmi Petrus nakana, “Matea' naung, tena tojeng nakuassengi anjo taua!” Anjo wattua attingkokomi janganga.

YOSUA 6:26

Anjo wattua napasuluki Yosua pappisangka kammaya anne, “Inai-nai ero' angngusahakangi untu' ambangungi ammotere' anne kota Yerikho, lanitabai ri pattunraNa Batara. Inai-nai lantannangngi batu pondasi, latappelaki ana' toana; na inai-nai ampatabai sikamma pakke'bu' lompona, latappelaki ana' bungkona.”

1 SAMUEL 14:24

Anjo alloa lamma ngasemmi kalenna tu Israel napakamma cipuru', lanri le'baki assumpa Saul angkana, “Cilakai tau angnganrea manna apa-apa mamo anne alloa, punna tenapa nakubalasaki boli'-bolikku ri musungku.” Lanri kammana anjo, manna sitau tena nia' angnganre anjo alloa.