PAMMILANGNGANG 5:18 - KITTA' MATANGKASA'

¹⁸ Nampa musti naruntungi uu'na anjo bainea, siagang naboli' anjo labu' passare lanri bata-bataya antama' ri limanna anjo bainea, nampa kalenna anjo imanga anna'galaki je'ne' pai' appabattua pattunra.

PAMMILANGNGANG 5:18 ပူးပေါင်းရင်းမြစ်များ

PANGNGEBARANG 5:4

mingka punna allalo ngasemmo apa le'baka, paika mami siagang pa'risika mami ammantang tassesa.

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

KAIMANGNGANG 13:45

Se'rea tau garring sala musti ammakei pakeang kekke'-kekke' nampa nalappassang takkakkasa' uu'na. Musti natongkoki bageang rawana rupanna nampa ammarrang angkana, “Ra'masa'! Ra'masa'!”

PAMMILANGNGANG 5:15

Lalang ruaya anjo passala', anjo bura'nea musti naerangi bainenna mange ri imanga. Musti angngerang tongi passare niparalluanga, iamintu sikilo labu' gandung. Anjo labuka takkulleai nitiriki minynya' zaitun yareka takkulleai nisarei dupa, lanri anjo passarea iamintu lanri bata-bata siagang a'jari pammatei angkanaya nia' bata-batana tu bura'nea mae ri bainenna.

PAMMILANGNGANG 5:17

Nampa angngalle imanga se're mangko' butta siagang napatiri' sike'de' je'ne' matangkasa' antama' ri anjo mangkoka. Le'baki anjo musti angngallei sike'de' au battu ri dapara'na KemaNa Batara nampa napantama' ri anjo je'neka.

PAMMILANGNGANG 5:19

Le'baki anjo musti appasuluki kana sumpa imanga nampa napala' passitujuanna anjo bainea. Musti angkanai imanga, “Punna tena nu'gau' bawang, tena nanatabako pattunra napabattua anne je'neka.

PAMMILANGNGANG 5:22

Anne je'ne' angngeranga pattunra lantamaki ri battannu siagang napakkambangi battannu kammayatompa ampakapurruki poko' bonggannu.” Anjo bainea musti appiali angkana, “Kusitujui; poro kamma laloi anjo Nagaukang Batara.”

1 KORINTUS 11:15

Mingka nisarei uu' tu bainea nakatongkokang ulunna, siagang punna la'bu uu'na iaminjo a'jari kala'birang mae ri kalenna.

1 KORINTUS 11:6

Nasaba' punna nia' tu baine taeroka a'bongong, bajikangangi punna nicukkuru' ulunna yareka nigoncing uu'na, sollanna a'jari pammatei angkanaya nihinai anjo tu bainea. Jari bajikangangi punna a'bongongi.

PAOLE 29:18

Jari, katutui sollanna tena lalo battu ri kau, bura'ne yareka baine, kaluarga yareka suku, ia niaka ammenteng anrinni, ta'giling battu ri Karaeng Allata'alata untu' anynyomba mae ri rewata-rewatana bansa maraenga. Anjo panggaukang kammaya rapangi aka' attimboa battu ri lamung-lamung paika siagang niaka racunna.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

1 SAMUEL 15:32

Nampa naparentakammo Samuel angkana, “Erangi Karaeng Agag mae anrinni.” Battumi Agag mae ri ia, lompo panrannuang, lanri napikkiriki angkanaya, “Bellami bahaya kamateanga.”