PAMMILANGNGANG 4:9 - KITTA' MATANGKASA'

⁹ Musti angngallei ke'nanga silawara' kaeng gau' nampa natongko' bangkeng lampua siagang sikamma lampunna, pakkakasa' pannangkassinna sumbuna lampua siagang pa'dongkokanna, kammayatompa sikontu tampa' minynya' zaitunga.

PAMMILANGNGANG 4:9 ပူးပေါင်းရင်းမြစ်များ

PAMMUJI 119:105

Kana-kananTa sanrapangi sulo ri jappaku, cahaya untu' ansingari oloangku.

PAMMILANGNGANG 4:10

Bangkeng lampua siagang sikontu pakkakasa'na musti narokoki ke'nanga siagang silawara' kukkulu' alusu' nampa naboli' irate ri tampa' pa'bulekanga.

PAMMILANGNGANG 4:8

Yangasenna anjo musti natongkoki ke'nanga siagang silawara' kaeng eja, nampa narangka' siagang silawara' kaeng kukkulu' alusu' irateanganna, siagang napataba kayu pa'bule'na anjo mejanga.

MATIUS 5:15

Tenanniakka tau apparinra lampu nampa natongko' katoang. Passangalinna naboliki irate ri pa'dongkokanna, sollanna nasingari ngasengi tau niaka lalang balla'.

PAPPICINI' 1:20

Iaminne rahasiana tujua bintoeng nucinika lalang ri lima kanangKu, siagang anjo tujua bangkeng lampu bulaenga: Anjo tujua bintoeng, iamintu tujua malaeka'na anjo tujua jama'ah; na anjo tujua bangkeng lampu, iamintu anjo tujua jama'ah.”