PAMMILANGNGANG 4:5 - KITTA' MATANGKASA'

⁵ Napassareangi Batara mae ri Musa paratorang kammaya anne: Punna narapi'mo wattunna nubongkara' pakkemaanga, Harun siagang ana'-ana'na musti antamaki ri KemaNa Batara, ampanaungi gordenga ri dallekanna Patti Parjanjianga, nampa narangka' anjo Pattia siagang anjo kaenga.

PAMMILANGNGANG 4:5 ပူးပေါင်းရင်းမြစ်များ

1 PATTOTTORANG 15:15

Na ri wattunna nipalette' anjo Pattia, naangka'mi ke'nanga nai' ri salangganna nampa napisang siagang bulekang, situru' paratorang Napassareanga Batara tete ri Musa.

1 PATTOTTORANG 23:26

Lanri kammana anjo, ia KemaNa Batara siagang sikontu pakkakasa' eroka nipake untu' assambayang tenamo naparallu nipisang ri tu Lewi.”

2 PATTOTTORANG 3:14

Untu' anjo Kamara' Kaminang Matangkasaka nipapparekangi pole gordeng battu ri kaeng lenang siagang kaeng cura' moncongbulo, lame butung siagang eja. Anjo gordenga nibelo-beloi siagang gambara'-gambara' malaeka' akka'nyi'.

KALAPPASSANG 36:35

Appare' tongi ke'nanga kaeng pintu battu ri kaeng lenang alusu' ia nitannunga siagang wol gau', lame butung siagang eja, nampa nisulang siagang gambara' malaeka' akka'nyi'.

KALAPPASSANG 40:3

Pantamaki anjo Patti Parjanjiang napammantangia anjo Sampuloa Parenta nampa nusarei kaeng passimbang ri dallekanna.

KALAPPASSANG 40:5

Boliki tampa' pattunuang dupa bulaenga ri dallekanna Patti Parjanjianga, siagang gentungi gordeng ri pakke'bu' Kemaya.

YESAYA 25:7

Irate ri anjo buluka laNapa'lanynyaki rammang kasi'nanga niaka antongkoki bansa-bansaya.

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

PAMMILANGNGANG 10:14

Ia riolo dudua a'lampa iamintu pasukang a'la'langa rawa bandera pasukanna Yehuda, pasukang se'rea mae ri pasukang maraenga: Nahason, ana'na Aminadab ampimpingi barisanna suku Yehuda,

PAMMILANGNGANG 4:15

Nakana Batara mae ri Musa siagang Harun, “Ri wattunna nubongkara' pakkemaanga, Harun siagang ana'na musti antamaki ri KemaKu na narangka' ngaseng sikontu barang-baranga siagang pakkakasa' niaka anjoreng. Nampami punna le'baki anjo, akkullemi tu Kehat battu untu' ambuleki. Mingka takkulleai ke'nanga anciniki, anreppesi yareka anseroi anjo barang-baranga, lanri le'ba'namo nisa'la' anjo barang-baranga untu' iNakke. Punna nagaukangi ke'nanga anjo kammaya, mattantu matei ke'nanga. Jari, sollanna natena nacappu' anjo tu Kehat battu ri suku Lewi, Harun siagang ana'-ana'na musti ansarei tugasa' ke'nanga angkanaya apa massing naerang anjo ke'nanga. Iaminjo tugasa'na tu Kehat ri wattunna nipalette' KemaKu. Eleazar, ana'na Harun tanggong jawa' mae ri sikontu KemaKu, minynya' lampua, dupaya, koro'bang gandung tuli nipatalaya, minynya' upacara siagang sikontu apa niaka ilalang ri anjo KemaKu.”

PAMMILANGNGANG 4:4

Ia jama-jamanna ke'nanga iamintu angngurusuki sikamma barang-barang Kaminang Matangkasaka.

PAMMILANGNGANG 7:9

Mingka tu Kehat tena nannarima karoba yareka sapi battu ri Musa, nasaba' anjo barang-barang matangkasa' lanaeranga ke'nanga musti nasompoi irate ri salangganna ke'nanga.

MATIUS 27:51

Anjo wattua sinre'mi gordenga lalang ri Balla'Na Batara, ta'bage rua battu rate sa'genna naung. Ta'ge'goso'mi buttaya, siagang ta'bage ruami bulu' batua.

PAOLE 31:9

Nampa natulisi' Musa hukkunNa Karaeng Allata'ala nampa napassareang mae ri imang-imang Lewi nisarea tugasa' untu' angngurusuki Patti Parjanjianga, siagang mae ri sikamma pamimpinna Israel.

IBRANI 10:20

Le'ba' maki' Nasungkeang Isa se're oloang beru, iamintu oloang assarea katallassang. Anjo oloanga iamintu battu ri gordenga, iamintu BatangkalenNa Isa.

IBRANI 9:3

Bageang lalanganna, iamintu ri bokona gordeng makaruaya, nia' kamara' niarenga Kamara' Kaminang Matangkasaka.

1 SAMUEL 6:19

Mingka lanri attoa'na siapa are tau ri Bet-Semes antama' ri anjo Patti Parjanjianga, nia'mo tujupulo tau ri ke'nanga mate nibuno ri Batara. Nampa natujumo susa ke'nanga nasaba' nipitujui ke'nanga ri Batara bala lompo.