PAMMILANGNGANG 4:12 - KITTA' MATANGKASA'

¹² Sikontu anjo pakkakasa' niaka nipake lalang ri Kamara' Matangkasaka musti naallei ke'nanga nampa naroko' siagang silawara' kaeng gau'. Nampa musti natongko' ke'nanga siagang silawara' kukkulu' alusu', siagang napadongko' irate ri pa'buleka.

PAMMILANGNGANG 4:12 ပူးပေါင်းရင်းမြစ်များ

1 PATTOTTORANG 9:28

Sipa'gang tu Lewi tanggong jawa' ri pakakasa'-pakakasaka untu' assambayanga. Iami ke'nanga anrekengi punna nipasulu' yareka punna nipoterang.

1 PATTOTTORANG 9:29

Sipa'gang pole tanggong jawa' ri pakakasa' maraengannaya siagang ri labuka, anggoroka, minynya' zaitunga, kamanynyanga, kammayatompa rampa-rampaya.

2 PATTOTTORANG 4:11

Huram, iamintu kapalana sikontu pajama paukirika, appareki pamaja'-pamaja', sikopang-sikopang, siagang mangko'-mangko'. Jari napa'le'ba' kabusu'mi napare' sikontu pakkakasa'na Balla'Na Batara situru' janjinna mae ri karaeng Salomo. Iaminne sikamma pakkakasa' le'baka napare': Rua benteng lompo Rua ulu benteng sangkammaya mangko' nibolika irateanna anjo ruaya benteng lompo Anyang-anyang rante massing ri ulunna anjo bentenga 400 rappo delima tambaga nisusunga rua a'jijiri' ri tammulilina anyang-anyang rantea ri tunggala' ulu bentenga 10 kareta 10 katoang lompo Gumbang tambaga 12 sapi tambaga napa'dongkoki anjo gumbanga Pamaja'-pamaja', sikopang-sikopang siagang garpu-garpu. Sikontu anjo pakkakasaka napareka Huram untu' Balla'Na Batara sangnging tambaga nipare' nampa nikeso' sa'genna accilla'. Kabusu'na anjo napareki Huram situru' apa naparentakanga Karaeng Salomo.

2 PATTOTTORANG 4:19

Assuro pare' tongi Karaeng Salomo pakkakasa'-pakkakasa' bulaeng ti'no' maraengannaya untu' Balla'Na Batara. Iaminne areng-arenna anjo pakkakasa'-pakkakasa' napareka: Tampa' pakkoro'bangngang Meja untu' roti nipatala Sikontu pa'dongkokang kanjoli bulaeng siagang kanjoli bulaenna untu' niparinra ri dallekanna Kamara' Kaminang Matangkasaka, situru' nirancanakanga Belo-belo sangkammaya bunga Kanjoli-kanjoli Pangngepe'-pangngepe' Pakkakasa' untu' antangkasi sumbu kanjolia Mangko'-mangko' Panne-panne untu' dupa Panne-panne untu' bara pepe' Sikontu pakke'bu' antamaya ri Balla'Na Batara siagang pakke'bu' Kamara' Kaminang Matangkasaka nilapisi' ngasengi bulaeng.

KALAPPASSANG 25:5

kukkulu' gimbala' laki nikasumba ejaya, kukkulu' alusu', kayu akasia,

KALAPPASSANG 25:9

Anjo kemaya siagang pakkakasa'na musti napareki ke'nanga situru' rancana le'baka Kupicinikiangko.”

KALAPPASSANG 31:10

pakeang ibada untu' Harun siagang ana'-ana'na, ia mustia napake ke'nanga punna nagaukang tugasa'na ke'nanga salaku imang,

PAMMILANGNGANG 3:8

Tugasa'na ke'nanga iamintu angngurusuki sikontu pakkakasa' KemaKu siagang anggaukangi jama-jamanga ri anjo KemaKu untu' ansambeangi tu Israelka.

PAMMILANGNGANG 4:11

Le'baki anjo musti akka'rangi ke'nanga silawara' kaeng gau' irate ri anjo tampa' pakkoro'bangngang bulaenga nipare', siagang narangkaki silawara' kaeng kukkulu' alusu', nampa napataba anjo kayu pa'bule' tampa' pakkoro'bangnganga.

PAMMILANGNGANG 4:13

Musti natangkasi ke'nanga anjo tampa' pakkoro'bangnganga battu ri limbu'buka, nampa akka'rang silawara' kaeng lame butung irateanna.

PAMMILANGNGANG 4:6

Le'baki anjo, musti narangkaki pole ke'nanga anjo Pattia siagang silawara' kaeng kukkulu' alusu', nampa nalapara' silawara' kaeng gau' irateanganna, siagang napataba kayu pa'bule'na anjo Pattia.

PAMMILANGNGANG 4:7

Musti appalaparaki ke'nanga silawara' kaeng gau' irateanganna mejang tampa' roti nipatalaya untu' Batara, siagang irate ri anjo mejanga musti appadongkoki panne, kappara' tampa' dupa, kappara' tampa' passare, siagang bongki untu' passare je'ne' anggoro'. Musti tuli nia' roti nipatala irate ri anjo mejanga.

PAMMILANGNGANG 4:9

Musti angngallei ke'nanga silawara' kaeng gau' nampa natongko' bangkeng lampua siagang sikamma lampunna, pakkakasa' pannangkassinna sumbuna lampua siagang pa'dongkokanna, kammayatompa sikontu tampa' minynya' zaitunga.