PAMMILANGNGANG 4:10 - KITTA' MATANGKASA'

¹⁰ Bangkeng lampua siagang sikontu pakkakasa'na musti narokoki ke'nanga siagang silawara' kukkulu' alusu' nampa naboli' irate ri tampa' pa'bulekanga.

PAMMILANGNGANG 4:10 ပူးပေါင်းရင်းမြစ်များ

KALAPPASSANG 25:31

“Apparekko bangkeng lampu battu ri bulaeng ti'no'. Pa'lapa'na siagang panna'gallanna musti bulaeng nide'de'; bunga-bunga belo-belona, kammayatompa pucu'na siagang pammantangngang pucu'na musti a'jari se'rei siagang pa'lapa'na siagang panna'gallanna.

KALAPPASSANG 25:5

kukkulu' gimbala' laki nikasumba ejaya, kukkulu' alusu', kayu akasia,

PAMMILANGNGANG 4:11

Le'baki anjo musti akka'rangi ke'nanga silawara' kaeng gau' irate ri anjo tampa' pakkoro'bangngang bulaenga nipare', siagang narangkaki silawara' kaeng kukkulu' alusu', nampa napataba anjo kayu pa'bule' tampa' pakkoro'bangnganga.

PAMMILANGNGANG 4:12

Sikontu anjo pakkakasa' niaka nipake lalang ri Kamara' Matangkasaka musti naallei ke'nanga nampa naroko' siagang silawara' kaeng gau'. Nampa musti natongko' ke'nanga siagang silawara' kukkulu' alusu', siagang napadongko' irate ri pa'buleka.

PAMMILANGNGANG 4:6

Le'baki anjo, musti narangkaki pole ke'nanga anjo Pattia siagang silawara' kaeng kukkulu' alusu', nampa nalapara' silawara' kaeng gau' irateanganna, siagang napataba kayu pa'bule'na anjo Pattia.

PAMMILANGNGANG 4:9

Musti angngallei ke'nanga silawara' kaeng gau' nampa natongko' bangkeng lampua siagang sikamma lampunna, pakkakasa' pannangkassinna sumbuna lampua siagang pa'dongkokanna, kammayatompa sikontu tampa' minynya' zaitunga.