PAMMILANGNGANG 36:9 - KITTA' MATANGKASA'

⁹ sa'genna tena na'lette'-lette' anjo butta pisakaya mae ri suku maraenga. Massing-massing suku Israel latuli napatangi butta pisaka kalenna.”

PAMMILANGNGANG 36:9 ပူးပေါင်းရင်းမြစ်များ

1 KARAENG-KARAENG 21:3

Appialimi Nabot angkana, “Anne koko anggoroka sossorang battu ri boe-boeku. Lanri Allata'ala, tena kukkulle ampassareangi ri katte”.

PAMMILANGNGANG 36:10

Jari, situru' parentaNa Batara mae ri Musa, anjo limaya ana' bainena Zelafehad, iamintu Mahla, Tirza, Hogla, Milka, siagang Noa, a'buntingi siagang ana'-ana' bura'nena sari'battanna manggena ke'nanga.

PAMMILANGNGANG 36:7

Sikontu butta pisakana tu Israel latuli tassikkoki mae ri sukuna.

PAMMILANGNGANG 36:8

Sikamma baine annarimaya warisi' butta pisaka lalang kalase'renna suku bansa Israel, musti tau lalanga todong anjo sukua naagang a'bunting. Jari kammaminjo namassing nawarisi'mo sikamma tu Israel butta pisakana massing boe-boena,

YOSUA 24:28

Kala'busanna nasuromi Yosua ammotere' ngaseng anjo taua; nampa ammotere' ngasemmo ke'nanga, massing mange ri buttana.

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.