PAMMILANGNGANG 34:8 - KITTA' MATANGKASA'

⁸ nampa battu anjoreng mange ri Oloang Hamat, nampa tulusu' mange ri Zedad

PAMMILANGNGANG 34:8 ပူးပေါင်းရင်းမြစ်များ

2 SAMUEL 8:9

Karaeng Tou battu ri Hamat nalangngereki angkanaya le'ba'mi nabeta Daud sikontu tantarana Hadadezer.

1 KARAENG-KARAENG 8:65

Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.

2 KARAENG-KARAENG 14:25

Iaminne Yerobeam II angngalle kabusuki ammotere' sikontu daerana Israel, appakkaramula battu ri oloang mangea ri Hamat bageang wara' sa'genna mange ri Tamparang Matea ri bageang timboro'. Anjo sikammaya situruki siagang janjinNa Batara, Allata'alana Israel, tete ri atanNa, iamintu Na'bi Yunus ana'na Amitai tu Gat-Hefer.

1 PATTOTTORANG 1:16

Arwadi, Semari, siagang Hamati.

1 PATTOTTORANG 13:5

Jari napa'rappungammi Daud sikontu ra'ya' niaka ri sikontu pa'rasangang, appakkaramula ri pa'baeng-baenna Mesir bageang timboro' sa'genna ri Agang Hamat ri bageang wara', untu' mange angngallei anjo Patti Parjanjianga battu ri Kiryat-Yearim nampa naerang mange ri Yerusalem.

YESAYA 10:9

Kualle passai kota-kota Kalno siagang Karkemis, Hamat siagang Arpad. Kualle tongi kota-kota Samaria siagang Damsyik.

YEREMIA 39:5

Mingka niondangi ke'nanga ri tantara Babel nampa najakkala' Zedekia ri lappara'na Yerikho. Nampa nierang Karaeng Zedekia mae ri Karaeng Nebukadnezar ri kota Ribla ri daera Hamat, nampa nitappuki hukkungang mate.

AMOS 6:14

KalenNa Batara Kaminang Tinggia siagang Kaminang Koasaya angkana, “He umma' Israel, lakkiringA' tantara battu ri se'reang bansa maraeng untu' ambunduki pa'rasangannu. Lanajallakkang ngasengko appakkaramula battu ri agang mangea ri Hamat wara' sa'genna Ka'bung Araba timboro'.”

PAMMILANGNGANG 13:21

Jari a'lampami anjo ke'nanga mange ri bageang wara' nampa nasalidiki anjo pa'rasanganga appakkaramula battu ri parang lompo Zin ri bageang timboro' sa'genna wara' ri kota Rehob, ri ampi'na agang mangea ri Hamat.

PAMMILANGNGANG 34:9

siagang mange ri Zifron nampa kala'busang ri Hazar-Enan.