PAMMILANGNGANG 34:5 - KITTA' MATANGKASA'

⁵ Anjoreng a'lekkoi mange ri Ka'bung ri pa'baeng-baenna Mesir na kala'busang ri Tamparang Tangngaya.

PAMMILANGNGANG 34:5 ပူးပေါင်းရင်းမြစ်များ

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

1 KARAENG-KARAENG 8:65

Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.

YESAYA 27:12

Anjo wattua laNaparappungangi Batara bansaNa tasse're-se're battu ri Binanga Efrat sa'genna ri pa'baeng-baenna Mesir. LaNapasisa'laki ke'nanga rapang tau appasisa'laka lisere' gandung battu ri awanna.

YEHEZKIEL 47:19

Pa'baeng-baeng bageang timboro' a'lampa kalau', battu ri Tamar mange ri timbuseng je'ne' Kades-Meriba, nampa kalau' ri pa'baeng-baenna Mesir sa'genna Tamparang Tangngaya.

DANIEL 11:45

Ba'lalo lanatannangi kema kakaraenganNa ri alla'na tamparanga siagang bulu' tampa' pammantanganna Balla'Na Batara. Mingka kale'bakkanna lamatei siagang tena manna sitau lantulungi.”

YOSUA 15:4

Battu anjorengi tulusuki pole mange ri Azmon, nampa a'biring ri pangka binangaya ri pa'baeng-baenna Mesir, nampa kala'busang ri Tamparang Tangngaya. Kammaminjo garisi' pa'baeng-baenna ri bageang timboro'na untu' daerana suku Yehuda. Nampa anjo garisika a'jari tommi garisi' pa'baeng-baeng bageang timboro'na sikontu pa'rasangang Israel.

YOSUA 15:47

Kammayatompa Asdod siagang Gaza siagang kota-kota ca'di siagang pole desa-desa niaka tassiara' sa'genna mange ri ampi'na pangka binangaya ri pa'baeng-baenna Mesir siagang birinna Tamparang Tangngaya.