PAMMILANGNGANG 34:12 - KITTA' MATANGKASA'

¹² nampa a'lampa timboro' amminawang ri siapa area la'buna Binanga Yordan sa'genna mange ri Tamparang Matea. Iaminjo pa'rasangannu situru' pa'baeng-baenga ri tammulilina.”

PAMMILANGNGANG 34:12 ပူးပေါင်းရင်းမြစ်များ

PA'JARIANG 13:10

Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)

PA'JARIANG 14:3

Anjo limaya karaenga a'jari agangi siagang napasse'rei tantarana ke'nanga ri Lappara'na Sidim, ia niarenga kamma-kamma anne Tamparang Mate.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

YEHEZKIEL 47:13

Nakana Batara Kaminang Tinggia, “Iaminne pa'baeng-baenna butta lanibage-bagea mae ri sampuloa anrua suku Israel. Suku Yusuf annarimai rua bageang.

PAMMILANGNGANG 34:11

Battu anjoreng na naung mange ri Ribla ri bageang rayanganna Ain, nampa tulusu' mange ri bulu'-buluka ri biring rayanganna Tamparang Galilea,

PAMMILANGNGANG 34:13

Nakanamo Musa mae ri bansa Israel, “Iaminjo butta lanutarimaya, iamintu punna nugoccang kamma loterei; butta mustia nubage mange ri salapang assitangnga suku bansa Israel situru' parentaNa Batara.

PAMMILANGNGANG 34:3

Ri bageang timboro' anjo pa'baeng-baenga appakkaramulai battu ri parang lompo Zin tulusu' mange ri Edom. Ri bageang iraya anjo pa'baeng-baenga appakkaramulai battu ri cappa' timboro'na Tamparang Matea,

YOSUA 13:1

Kamma-kamma anne toa sikalimi Yosua. Nakanamo Batara ri Yosua, “Toa mako Yosua! Mingka jai iji daera musti nualle:

YOSUA 15:5

Ri bageang iraya, pa'baeng-baenna iamintu Tamparang Matea, tulusu' wara' sa'genna cappa' pa'lo'loranna Binanga Yordan. Ri bageang wara', pa'baeng-baenna appakkaramulai battu ri cappa' pa'lo'loranna anjo Binanga Yordan,