PAMMILANGNGANG 33:4 - KITTA' MATANGKASA'

⁴ sitabanga antarawangi ana'-ana' bungasa'na ke'nanga, ia le'baka nibuno ri Batara. Lanri iaminjo gau'na, na Napa'buttimo Batara angkanaya Ia la'bi kassa' kala rewata-rewatana tu Mesir.

PAMMILANGNGANG 33:4 ပူးပေါင်းရင်းမြစ်များ

PAMMUJI 105:36

Nampa nabuno ngaseng sikontu ana' bura'ne toaya lalang sikontu kaluargana tu Mesir.

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

KALAPPASSANG 18:11

Kamma-kamma anne kuassemmi angkanaya malompoangngangi Batara na sikontu rewataya, lanri yangasenna anjo Nagaukangi ri wattunna tampo sikali tindakanna tu Mesir mae ri tu Israel.”

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.