PAMMILANGNGANG 33:3 - KITTA' MATANGKASA'

³ Tanggala' sampulo allima bulang se're, siallo ri le'ba'na Paska makase'rea, nanabokoi bansa Israel butta Mesir. Batara alla'langi ke'nanga ambokoi kota Rameses, nicini' ri bansa Mesir,

PAMMILANGNGANG 33:3 ပူးပေါင်းရင်းမြစ်များ

PA'JARIANG 47:11

Nabantumi Yusuf anjo manggena siagang sikamma sari'battanna ammantang ri Mesir. Nasaremi ke'nanga tampa' untu' napatang ke'nanga ri bageang kaminang bajika ri anjo pa'rasanganga, iamintu ri ampi' kota Rameses, situru' parentana karaenga.

PAMMUJI 105:38

Tu Mesir nitujui ri malla' siagang malla' lompo, jari sannammi ke'nanga a'lampana tu Israel.

KALAPPASSANG 1:11

Jari angngangka'mi tu Mesir siapa are jaina pajaga mae ri bansa Israel untu' ampakasukkaraki katallassanna ke'nanga, iamintu nasuroi tu Israel anjama terasa'. Nipassai ke'nanga ambangungi kota Pitom siagang Raamses, untu' karaeng Mesir untu' a'jari pammolikang barang-barang.

KALAPPASSANG 12:2

“Anne bulanga a'jari bulang makase're battu pa'bilangang tanggala'nu.

KALAPPASSANG 12:37

A'lampami tu Israel a'jappa bangkeng battu ri kota Raamses mange ri kota Sukot. Ia jaina ke'nanga iamintu 600.000 tau, tanirekengapi bai'-bainea siagang ana'-anaka.

KALAPPASSANG 13:4

Anne alloa, tanggala' se're bulang Abib yareka bulang se're, nubokoimi pa'rasangang Mesir.

KALAPPASSANG 14:8

Memang Batara ampa'jari kapala batui anjo karaenga, sa'genna naondang tu Israel niaka sitabang a'jappa ambokoi anjo pa'rasanganga nipimpinga ri Batara.

YESAYA 52:12

Tena nula'lampa karo-karo, siagang tena nusangkamma tau laria. Saba' laNarurungangko Batara; laNajagaiko Allata'alana Israel battu ri tammulilinu.

MIKHA 2:13

LanynyungkeA' oloang nampa Kuerangko assulu' battu ri pammelakkanga. Lanulappoi pakke'bu'-pakke'bu' lompoa nampa bebasakko a'lampa. INakke KalengKu, Batara, Karaennu, siagang iNakke lampimpingko assulu'.”

PAMMILANGNGANG 33:2

Naparentakangi Batara mae ri Musa sollanna nacataki arenna anjo massing tampa' napassengkaia.