PAMMILANGNGANG 33:10 - KITTA' MATANGKASA'

¹⁰ Nampa nabokoi ke'nanga Elim siagang akkema ri ampi'na biring Tamparang Suez.

PAMMILANGNGANG 33:10 ပူးပေါင်းရင်းမြစ်များ

KALAPPASSANG 16:1

Nampa a'lampa anjo sikontu umma' Israel battu ri Elim. Na ri tanggala' sampulona allima bulang makarua le'ba'namo nabokoi ke'nanga Mesir, battumi ke'nanga mange ri parang lompo niarenga Sin, niaka ri alla'na Elim siagang Moncong Sinai.

KALAPPASSANG 17:1

Nampa a'lampamo bansa Israel ambokoi parang lompo Sin, nampa a'lette'-lette' battu ri se'reang tampa' mange ri tampa' maraenga situru' Naparentakanga Batara. Ri se'reang wattu akkemami ke'nanga ri Rafidim, mingka tena je'ne' inung anjoreng.

PAMMILANGNGANG 33:11

Nampa pole akkema ke'nanga ri parang lompo Zin, nampa ri ampi'na Dofka, le'baki anjo ri Alus, nampa ri Rafidim, mingka anjoreng tena je'ne' inung.

PAMMILANGNGANG 33:9

Battu anjoreng a'lampa tulusu'mi ke'nanga siagang akkemami ri Elim; anjoreng nia' sampulo anrua timbuseng je'ne' siagang tujupulo poko' korma.