PAMMILANGNGANG 32:33 - KITTA' MATANGKASA'

³³ Nampa napassareammo Musa mae ri suku Gad siagang Ruben, kammayatompa bage ruana suku Manasye sikontu daera Sihon, karaeng Amori, siagang daera Og, karaeng Basan, kammayatompa kota-kotaya siagang butta niaka ri tammulilina.

PAMMILANGNGANG 32:33 ပူးပေါင်းရင်းမြစ်များ

1 PATTOTTORANG 26:32

Sikontu urusang kaagamaanga siagang pamarentahanga ri Israel bageang rayanganna Binanga Yordan – iamintu daera suku Ruben, Gad siagang sipa'gang suku Manasye – nipassareangi mae ri 2.700 kapala kaluarga Yeria, yangasenna sangnging tunikangalikang ia nipilea ri Karaeng Daud.

1 PATTOTTORANG 5:18

Lalang ri suku Ruben, Gad, siagang Manasye, niaka ammantang ri bageang rayanganna Binanga Yordan, nia' 44.760 tantara le'baka nilati siagang niaka pangalamanna ammake pannangkisi', pa'dang, siagang pana.

PAMMILANGNGANG 32:1

Suku-suku Ruben siagang Gad teai sipato' jaina olo'-olo' piarana. Ri wattunna nacini' ke'nanga antekamma baji'na butta Gilead siagang Yaezer untu' nipammarakai olo'-olo',

PAMMILANGNGANG 32:32

Batara lampimpingi ikambe a'limbang mange ri pa'rasangang Kanaan siagang maju untu' a'bundu'; mingka anjo butta niaka irayanganna Binanga Yordan poro ikambe tuli ampatangi.”

PAMMILANGNGANG 34:14

Suku-suku Ruben siagang Gad kammayatompa bageruanna suku Manasye le'ba'mi natarima tawana ke'nanga, siagang le'ba' tommi nabage-bage anjo buttaya mae ri massing-massing kaluargana ke'nanga.

PAMMILANGNGANG 34:15

Anjo butta pisakana ke'nanga ri bageang rayanganna Binanga Yordan, ri ampi'na kota Yerikho.”

PAOLE 29:8

Niallei buttana ke'nanga nampa nibage mae ri suku Ruben siagang Gad, kammayatompa sipa'gang suku Manasye.

YOSUA 12:1

Daera niaka ri bageang rayanganna Yordan, battu ri Ka'bung Binanga Arnon tulusu' nai' ri Ka'bung Yordan sa'genna mange ri Moncong Hermon bellana ri bageang wara', le'ba'mi nialle siagang nipammantangngi ri tu Israel. Nia' rua karaeng nabetaya ke'nanga.

YOSUA 12:6

Iaminjo rua karaeng nibetaya ri Musa siagang bansa Israel. Buttana anjo karaeng-karaenga nipassareangi ri Musa, atanNa Batara, mae ri suku Ruben, suku Gad siagang bageruanna suku Manasye, untu' a'jari butta pisakana ke'nanga.

YOSUA 14:3

Butta niaka irayanganna Binanga Yordan le'ba'mi napassareang Musa mae ri rua assitangnga suku maraenga ri bansa Israel. (Parallui niasseng angkanaya jari-jarina Yusuf ta'bage ruai suku: iamintu suku Manasye siagang suku Efraim.) Ri passala'na suku Lewi, tena butta nisareangi ri Musa. Poro kota-kota pammantangnganji nisareangi ke'nanga siagang parang-parang untu' olo'-olo' sapina siagang gimbala'na ke'nanga.

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.

1 SAMUEL 13:7

Nia' tommo a'limbang anta'leang ri ba'leanna Binanga Yordan nampa antama' ri daera Gad siagang Gilead. Saul nia' iji ri Gilgal, nannekkere' ngasemmi ra'ya' niaka ampinawangi.