PAMMILANGNGANG 32:22 - KITTA' MATANGKASA'

²² sa'genna niallemo anjo pa'rasanganga, akkulle mako ammotere'; ta'lappasa' mako battu ri kawajibannu mae ri Batara siagang mae ri sikamma sari'battannu, kammayatompa laNasareang mako Batara anjo butta niaka iraya anne untu' ikau ampatangi.

PAMMILANGNGANG 32:22 ပူးပေါင်းရင်းမြစ်များ

2 SAMUEL 3:28

Nalangngere'na Daud anjo passalaka, nakanamo, “Naassengi Batara angkanaya inakke siagang ra'yakku tena sikali nasala lalang ri anjo pammunoanga mae ri Abner.

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

KAIMANGNGANG 14:34

paratorang-paratorang ri passala'na balla' natabaya jappo' a'la'banga. Anne paratorang-paratoranga nipakei ri wattunna antama'mo bansa Israel ri pa'rasangang Kanaan, iamintu pa'rasangang Napassareanga Batara mae ri ke'nanga.

PAMMILANGNGANG 32:21

siagang sikamma akkullea a'bundu' a'limbang ngasengi ri Binanga Yordan, nampa nipimping ri Batara ambunduki musu-musua sa'genna nibongka ke'nanga ri Batara,

PAOLE 3:20

Bantui julu bansanu sa'genna napammantangngi ke'nanga butta laNapassareanga Karaeng Allata'alanu mae ri ke'nanga ri laukanna Binanga Yordan; kammayatompa sa'genna nisare pangngellai ke'nanga attallasa' siagang amang anjoreng, sangkamma Nagaukanga Batara anrinni mae ri kau. Le'bappi anjo kammaya nampako akkulle ammotere' mae ri butta le'baka kupassareang mae ri kau.

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 10:30

Nisare tommi pammetang tu Israel ri Batara mange ri anjo kotaya siagang karaenna. Tena manna sitau nilappassang attallasa'; sikontu tau niaka ri anjo kotaya nibuno ngasengi. Nagaukammi Yosua mae ri anjo karaeng Libna sangkamma apa le'baka nagaukang mae ri karaeng Yerikho.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

YOSUA 13:8

Suku Ruben siagang suku Gad kammayatompa bageruanna suku Manasye, le'ba'mi annarima bageang butta battu ri Musa, anjo atanNa Batara; iamintu butta niaka irayanganna Binanga Yordan.

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

YOSUA 2:19

Punna nia' kalase'renna ke'nanga assulu' battu ri anne ballaka nampa mate nibuno, lanri kasalanna tonji antu namate; ta'lappasaki ikambe battu ri kasalanga. Mingka punna nia' tau anggappa bala lalang ri anne ballaka, ikambe pata sala.

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.