PAMMILANGNGANG 32:14 - KITTA' MATANGKASA'

¹⁴ Na kamma-kamma anne, angngewa tommako sangkamma bapa'nu ngaseng. Ikau memang pa'rappungannako tau dorakaya, ampakalompoai nassuNa Batara mae ri bansa Israel!

PAMMILANGNGANG 32:14 ပူးပေါင်းရင်းမြစ်များ

PA'JARIANG 5:3

Ri wattunna 130 taung umuru'na Adam, anggappami sitau ana' bura'ne sintanjaka le'ba' kalenna, na naareng anjo anaka Set.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

2 PATTOTTORANG 28:13

Nakanamo ke'nanga, “Teako erang-erangngi mae anrinni antu sikamma tau nitahanga! Ikatte tau dorakamaki' mae ri Batara, siagang anjo dosa-dosata sangka'mi jaina sa'genta siratang nihukkung. Kamma-kamma anne ero'mako pole appanggaukang untu' poro antambai kadorakanta.”

EZRA 10:10

Nampa ammentemmo Ezra a'bicara mae ri ke'nanga. Nakanamo, “Doraka ngaseng mako siagang nutambaimi kasalanna tu Israel lanri a'buntinnu siagang baine bansa maraenga.

NEHEMIA 13:18

Kalanri dosa kammaya minne naNahukkung Allata'ala sikamma boeta siagang Naposso' anne kotaya. Apaka ero' ngasengko kamma-kamma anne antambai pangngalarroiNa Allata'ala mae ri Israel lanri nura'massinna allo Pammari-marianga?”

AYUB 14:4

Maka akkullei tau dorakaya appa'nia' apa sukku' baji'na?

PAMMUJI 78:57

A'jari bali ke'nanga sangkamma boe-boena ke'nanga, takkulleai nipatappa' sanrapang jekkona anrong panaya.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 57:4

Inai nukakkali? Inai nucau-cau? Sai ikau turungang paballe-balleko siagang turungang tau nangaia angngewa?

YEHEZKIEL 20:21

Mingka anjo tau rungka-rungkaya tena todong namappilangngeri ri Nakke. Nadakkai ke'nanga hukkung-hukkungKu siagang nabalang parekangi parenta-parentaKu, ampattantuai angkana inai-nai tau anturuki latuli attallasaki. Nara'massi ke'nanga allo Pammari-marianga. Lanri kammana anjo sadiaMa' ero' ampabattui pangngalarroingKu mae ri ke'nanga anjoreng ri parang kassika siagang ambunoi ke'nanga.

PAMMILANGNGANG 32:15

Punna a'bokoko ambokoi Batara, anne sikontu bansaya lanilappassangi la'bi sallo pole a'la'ba' a'lampa ri parang lompoa, nampa ikau ngasemmi passabakkanna napanra' ke'nanga!”

LUKAS 11:48

Jari kalennumi angngakui angkanaya nupassamaturuki anjo apa le'baka nagaukang boe-boenu; nasaba' boe-boenu memang ambunoi na'bi-na'bia, nampa ikau ampapparekangi jera'na.

PAOLE 9:24

Baku'nu kuasseng, tuli tenana numappilangngeri mae ri Batara.