PAMMILANGNGANG 32:10 - KITTA' MATANGKASA'

^10-11 Jari larromi Batara anjo wattua sa'genna Nakana, ‘Tena namajarre' pa'mai'na mae ri Nakke anjo taua. Lanri kammana anjo assumpaMa' angkanaya sikamma tau umuru' ruampulo taunga sa'genna irateanganna battu ri anjo ke'nanga ri wattunna nabokoi Mesir, tena lakkulle antama' ri pa'rasangang Kupa'janjianga mae ri Abraham, Ishak siagang Yakub.’

PAMMILANGNGANG 32:10 ပူးပေါင်းရင်းမြစ်များ

PAMMUJI 95:11

Jari assumpaMa' lalang larroKu, angkana talantamakkai ke'nanga ri anjo pa'rasanganga untu' anggappa pammari-mariang siagang iNakke.”

YEHEZKIEL 20:15

Anjoreng tomminjo ri parang kassika Kuancang bansa Israel angkanaya tena nalaKuerang ke'nanga antama' ri butta le'baka Kupasadiangi ke'nanga, iamintu butta kalumanynyang siagang coppong, kammayatompa kaminang bajika ri sikontu linoa.

PAMMILANGNGANG 14:11

Nakanamo Batara mae ri Musa, “Siapapi sallona anne taua langngewA'? Sa'ge kemae ke'nanga taeroka tappa' ri Nakke, manna pole jaimi gau' malompo Kugaukang ri tangnga-tangngana ke'nanga?

PAMMILANGNGANG 14:21

Mingka a'janjiA' lanri batangkalengKu siagang lanri iNakke mattallasaKa siagang makoasaYa ri anne linoa,

PAMMILANGNGANG 14:23

Tena! Tena nalantama' ke'nanga ri anjo pa'rasanganga. Sikamma anjo tau angngewaya mae ri Nakke, tena manna sitau langngonjoki anjo pa'rasanganga.

PAMMILANGNGANG 14:29

A'moro-moro ngaseng mako mae ri Nakke. Lanri kammana anjo lamateko siagang latassiaraki maya'nu ri anne parang lompoa. Pantaranganna Kaleb siagang Yosua, tena manna sitau battu ri kau ngaseng umuru' ruampulo taunga sa'genna irateanganna lakkulle antama' ri pa'rasangang Kupa'janjianga mae ri kau.