PAMMILANGNGANG 31:8 - KITTA' MATANGKASA'

⁸ kammayatompa lima karaenna tu Midian, iamintu: Ewi, Rekem, Zur, Hur siagang Reba. Bileam ana'na Beor, nibuno tommi.

PAMMILANGNGANG 31:8 ပူးပေါင်းရင်းမြစ်များ

PAMMUJI 10:2

Tampomi tu ja'dalaka anjallakkangi tu kasi-asia; boli'mi kamma nialle ke'nanga ri sikko' napare' kalenna.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

PANGNGEBARANG 11:3

Tau bajika nirenrengi ri kalambusanga; tau paballe-ballea lanipanraki ri balle-ballena.

PANGNGEBARANG 13:17

Tunisuro tenaya matu-matunna langngerangi bala; tunisuro akkullea nipatappa' langngerangi wassele' mattantu.

HABAKUK 3:7

Kuciniki ra'ya' Kusyan nibattui ri malla', siagang tu Midian annekkere'.

PAMMILANGNGANG 22:10

Appialimi Bileam angkana, “Anjo ke'nanga tau nisuro ri Karaeng Balak battu ri Moab untu' battu angngerang kabara'

PAMMILANGNGANG 22:4

Nampa nakanamo tu Moab mae ri sikamma pamimpinna tu Midian, “Tasalloami nabattu anjo garombolanga ampicappuki sikontu apa niaka ri tammulilita, sanrapang sapi ampicappuki rukuka ri paranga.” Jari akkirimmi Balak

PAMMILANGNGANG 22:5

tunisuro mange angkioki Bileam, ana'na Beor niaka ammantang ri kota Petor ri ampi'na Binanga Efrat ri daera Amau. Nisuroi ke'nanga ampabattui mae ri Bileam anne pasanna Balak angkana, “Parallui nuasseng angkanaya nia' se'reang bansa battu ri Mesir; tassiaraki taunna mae ri kere-kere mae siagang apparurumi ke'nanga ero' ambunduki ikambe.

PAMMILANGNGANG 23:10

Jari-jarina Yakub rapangi au takkulleai nibilang; bansa Israel teai sipato' jaina. Dasi-dasi nakumate salaku tau lambusu' poro anjo a'jalakku sangkamma a'jala'na anjo tau kammaya.”

PAMMILANGNGANG 24:14

Nakana Bileam mae ri Balak, “Kamma-kamma anne erokka' ammotere' mange ri bansaku. Mingka lalang tenanapa ku'lampa, bajiki punna kupabattuangki' karaeng, apa lanagaukanga bansa Israel mae ri bansata ri allo ri boko.”

PAMMILANGNGANG 24:25

Nampa apparurumo Bileam untu' ammotere' mange ri pammantanganna. Kammayatompa Balak a'lampa tommi.

PAMMILANGNGANG 25:15

Anjo bainea niarengi Kozbi; ana'nai tu niarenga Zur, sitau kapala suku battu ri Midian.

PAMMILANGNGANG 25:18

lanri kaja'dallang le'baka narancanakang mae ri kau ngaseng ri Peor; kammayatompa lanri Kozbi ana'na se'rea kapala suku ri Midian. Anjo baine niarenga Kozbi mate nibunoi ri wattunna kajariang balaya lanri anjo passalaka ri Peor.”

PAMMILANGNGANG 31:16

Sai iaminjo sikamma tubai'-bainea anturuki pappaunju'na Bileam, sa'genna nanyonyo' umma' Israel ri Peor untu' ambokoi Batara? Siagang iaminjo appabattu bala mae ri umma'Na Batara!

PAMMILANGNGANG 31:9

Natahammi tu Israel sikamma tubai'-bainena siagang ana'-ana'na tu Midian, kammayatompa narampasa' ngasemmi sikontu olo'-olo' piarana ke'nanga, siagang sikontu kakalumanynyanganna ke'nanga.

2 PETRUS 2:15

Sala oloammi ke'nanga, lanri tenana naero' anturuki oloang lambusuka. Oloang le'baka naolo Bileam ana'naya Beor riolo, naolo ke'nanga. Anjo Bileam a'gau' ja'dalaki lanri ero' duduna anggappa doe'.

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.