PAMMILANGNGANG 31:30 - KITTA' MATANGKASA'

³⁰ Battu ri bageanna umma' Israel, musti nuallei tasse're battu ri ta'limampuloa, baji' battu ri tau nitahanga, kammayatompa battu ri sapia, keledaia, gimbalaka siagang bembea. Passareangi anjo sikammaya mae ri tu Lewi angngurusukai KemaKu.”

PAMMILANGNGANG 31:30 ပူးပေါင်းရင်းမြစ်များ

1 PATTOTTORANG 23:32

Nisare tongi tugasa' ke'nanga untu' amparakai KemaNa Batara kammayatompa Balla'Na Batara, siagang ambantui sikamma sari'battanna ke'nanga, iamintu sikamma imang turunganna Harun, untu' anggaukangi passambayanganga ri anjo tampaka.

2 PATTOTTORANG 14:15

Nabunduki tongi ke'nanga pakkemaanna sikamma pakalawakia, siagang jai gimbala' siagang unta nalaling ke'nanga. Le'baki anjo ammotere'mi ke'nanga mange ri Yerusalem.

PAMMILANGNGANG 1:53

Mingka tu Lewi musti akkemai ri tammulilina KemaKu. Musti najagai ke'nanga sollanna tena tau anrepesi sa'gengKu larro siagang Kuhukkungi umma' Israel.”

PAMMILANGNGANG 3:25

Lalang urusanna KemaNa Batara, iaminjo ke'nanga tanggong jawa' mae ri Kemaya siagang pattongko'na, kaeng ri pakke'bu' pantamanga,

PAMMILANGNGANG 3:31

Iami ke'nanga tanggong jawa' mae ri Patti Parjanjiang, mejang, sikamma tampa' pakkoro'bangnganga, sikamma pakkakasa' napakea sikamma imanga lalang ri Kamara' Matangkasaka, siagang gordeng passimbanna Kamara' Matangkasaka. Iami ke'nanga tanggong jawa' mae ri sikontu anjo barang-barang sikammaya.

PAMMILANGNGANG 31:28

Untu' passare nisa'la' mae ri Nakke, Batara, musti nuallei battu ri anjo bageanna sikamma tantaraya tasse're lalanna ta'limang bilangnganga, baji' battu ri tau nitahanga, kammayatompa battu ri sapia, keledaia, gimbalaka, siagang bembea.

PAMMILANGNGANG 31:29

Passareangi anjo mae ri Imang Eleazar a'jari passare nisa'la untu' iNakke, Batara.

PAMMILANGNGANG 31:31

Nagaukammi Musa siagang Imang Eleazar situru' anjo apa Naparentakanga Batara.

PAMMILANGNGANG 8:26

Le'baki anjo akkullei nabantu tu Lewi maraenga, ia tugasaka lalang ri KemaKu, mingka tenamo nattantu tugasa'na. Kammaminjo carana niatoro' jama-jamanna tu Lewi.”

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

1 KORINTUS 4:2

Uru-uruna nituntu' ri anjo palayang kammaya iamintu tamalanrea mae ri karaenna.

KOLOSE 4:17

Siagang pauangi Arkhipus, angkanaya, “Pa'le'baki jama-jamang nipassareanga mae ri kau untu' allayani Batara.”

IBRANI 13:17

Turuki parentana pamimping-pamimpinnu, siagang tundukko mae ri ke'nanga. Nasaba' tuli naparhatikangi ke'nanga nyawanu, namusti attanggong jawaki ke'nanga mae ri Allata'ala. Punna nuturuki ke'nanga, akkullei ke'nanga anjama siagang sannang pa'mai'na; punna tena, akkullei a'jari si'na pa'mai'na ke'nanga anjama, napunna kamma latena matu-matunna mae ri kau.

YOSUA 9:27

Mingka napa'jari atami anjo ke'nanga, iamintu a'jari pabisa' kayu siagang papisang je'ne' mae ri tu Israel siagang untu' tampa' pakkoro'bangnganNa Batara. Sa'genna kamma-kamma anne tuli nagaukanna ke'nanga anjo jama-jamang kammaya ri tampa' le'baka Napile Batara a'jari tampa' ibada mae ri Ia.