PAMMILANGNGANG 31:3 - KITTA' MATANGKASA'

³ Jari nakanamo Musa mae ri bansa Israel, “Sadia ngasengko untu' a'bundu'; musti nubunduki tu Midian untu' anggaukangi hukkunganNa Batara mae ri ke'nanga.

PAMMILANGNGANG 31:3 ပူးပေါင်းရင်းမြစ်များ

2 KARAENG-KARAENG 9:7

Lanupaccappuki kaluargana karaennu Ahab. Lalang kammana anjo naKuhukkummo Izebel le'baka ambunoi na'bi-na'biKu siagang sikamma atangKu maraengannaya.

KALAPPASSANG 17:16

Nakana Musa, “Ta'galaki tinggi-tinggi banderaNa Batara! KalenNa Batara a'bundu' angngewai tu Amalek sa'genna satunggu-tungguna!”

YEREMIA 46:10

Mingka inakke, Yeremia kukanamo, iaminne allonNa Karaeng Allata'ala Kaminang Tinggia siagang Kaminang Koasaya; ri anjo alloa Napa'balassi sikontu musu-musunNa. Pa'danNa bassoroki angnganre tau siagang angnginung cera'. Anne alloa Batara Kaminang Koasaya, Nasamballei koro'bang-koro'banga wara', ri anjo birinna Binanga Efrat.

YEREMIA 50:28

Sikamma tau laria mange ri Yerusalem battu ri Babel nacaritai antekamma batena Karaeng Allata'alata ambalasaki panggaukanna tu Babel mae ri Balla'Na Batara.)

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

PAMMILANGNGANG 25:11

“Sannaki batena Pinehas ana'na Eleazar, cucunna Imang Harun anjagai areng bajikKu ri tangnga-tangngana tu Israel, sa'genna naung larroKu siagang tanjariami Kuancuru' anjo bansaya.

PAMMILANGNGANG 25:13

Ia siagang jari-jarina Kupattantu salaku imang sa'genna satunggu-tungguna, lanri attojeng-tojenna angngalleangA', Allata'alana, siagang appare'Ma' passiamakkang mae ri dosana tu Israel.”

PAMMILANGNGANG 31:4

Battu ri massing suku bansa Israel, musti appasadiako sisa'bu tantara untu' maju mange a'bundu'.”

HAKING-HAKING 5:2

Pujimi Batara pahlawang-pahlawanna tu Israel, nasaba' assumanga'mi untu' barjuang, na rellamo ra'yaka mange a'bundu'.

HAKING-HAKING 5:23

“Tunrai Meros, nabonena, nasaba' battuna ke'nanga teai untu' ambantu a'jari pahlawang barjuanga untu' Batara, kammanjo kananna Malaeka'Na Batara.”