PAMMILANGNGANG 31:22 - KITTA' MATANGKASA'

^22-23 Sikontu apa-apa attahanga ri pepe', kammayami bulaeng, pera', tambaga, bassi, tima kebo' siagang tima le'leng, musti nitangkasi ngasengi lalang ri pepeka. Nampa musti nitangkasi todong sikontu anjo barang-barang kammaya siagang je'ne' upacara pannangkasi sollanna tenamo nara'masa'. Sikontu barang maraengannaya, ia tenaya nattahang ri pepe', musti nitangkasi siagang je'ne' upacara pannangkasi.

PAMMILANGNGANG 31:22 ပူးပေါင်းရင်းမြစ်များ

PA'JARIANG 4:22

Zila angnganakkangi Tubal-Kain, na sossoranna a'jari panre ri sangka' rupaya pakkakasa' tambagaya siagang bassia. Andi'na Tubal-Kain bainea niarengi Naama.

AYUB 28:2

Bassia nikekei battu ri buttaya; battu ri batua nipassolong tambagaya.

PAMMILANGNGANG 31:13

Jari assulu'mi Musa, Imang Eleazar siagang sikontu pamimping maraengannaya battu ri kemaya untu' anruppai tantara Israel.

PAMMILANGNGANG 31:21

Nampa nakanamo Imang Eleazar mae ri anjo sikamma tau beru ammotereka a'bundu', “Iaminne paratorang-paratorang Napassareanga Batara mae ri Musa.

YOSUA 6:19

Sikontu barang-barang pera', bulaeng, tambaga, siagang bassia musti nisa'laki untu' Batara, nampa niboli' ilalang ri tampa' pammolikang barang-baranNa Batara.”

YOSUA 8:27

Sikamma olo'-oloka siagang barang-barang niallea ri anjo kotaya, naallei tu Israel a'jari barang-baranna, situru' apa Napaua Batara mae ri Yosua.