PAMMILANGNGANG 30:2 - KITTA' MATANGKASA'

² Punna nia' tu bura'ne attinja' yareka appau janji siagang sumpa mae ri Batara, sa'genna nasikko' kalenna siagang se'reang janji, musti narupai anjo apa napa'janjianga, siagang takkulleai tanarupai anjo kananna.

PAMMILANGNGANG 30:2 ပူးပေါင်းရင်းမြစ်များ

AYUB 22:27

Punna appala' doangko, laNapialiko, nakkulle nurupai sikontu janjinnu.

PAMMUJI 116:14

Lakurupai janjingku ri Ia ri dallekanna sikontu umma'Na.

PAMMUJI 116:18

Lakurupai janjingku mae ri Batara, ri dallekanna sikontu umma'Na

PAMMUJI 119:106

Kupa'janjianga siagang sumpa lakurupai, untu' anna'gala' ri kaputusang adeletTa.

PAMMUJI 15:3

tenaya napitinai paranna tau, tenaya na'gau' ja'dala' mae ri aganna, tenaya nabicara kodi siampi' balla'na;

PAMMUJI 22:25

Saba' tena Nacini' tunai tau nijallakkanga, natena Nabawang-bawangngangi kasessanna. Tena Nala'boko battu ri anjo taua, mingka napilangngeri punna appala' tulungi mae ri Ia.

PAMMUJI 50:14

Assare mako koro'bang sukkuru' mae ri Allata'ala, rupai janjinnu mae ri Kaminang Tinggia.

PAMMUJI 55:20

Allata'ala ammarentai battu ri satunggu-tungguna laNapilangngeria' siagang Nabetai ke'nanga. Saba' taerokai ke'nanga toba', siagang tamallakkai mae ri Allata'ala.

PAMMUJI 56:12

Tappaka' ri Ia, jari tena kumalla', tena pakkullena rupataua mae ri nakke.

PAMMUJI 76:11

Manna tau sannaka palla'na mammuji todong ri Katte, siagang tau larroaija ammake kaeng karung tanra susana.

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

PANGNGEBARANG 20:25

Pikkiri' baji'-bajiki ri tenanapa nu'janji lassare koro'bang mae ri Batara. Gassingka assesse' lalang jako ri boko.

KAIMANGNGANG 5:4

Punna nia' tau anggaukangi kasalanga lanri assumpa sambarangangi untu' anggaukangi apa-apaya, nampa ri boko nasadari anjo kasalanna.

NAHUM 1:15

Ciniki, nia' sitau suro battu ri moncong-monconga, angngerang kabara' baji', iamintu kabara' pammetang. He bansa Yehuda, pakalompoi allo lomponu siagang bayaraki tinja'nu mae ri Allata'ala. Tenamo nalanijaja pa'rasangannu ri tau ja'dalaka. Le'ba'mi niancuru' taba sikali ke'nanga.

PAMMILANGNGANG 21:2

Jari attinja'mi tu Israel mae ri Batara angkana, “Punna Kisare mamo pammetang ikambe mae ri anjo bansaya, anjo ke'nanga siagang sikamma kota-kotana lanitumpasaki ri kambe sa'genna cappu'.”

PAMMILANGNGANG 30:10

Punna nia' sitau baine le'ba'mi a'bunting attinja' yareka assikkoki kalenna siagang janji,

PAMMILANGNGANG 32:24

A'lampamako mange ambangungi kota-kotaya siagang bara-barana gimbala'nu, siagang teako takkaluppai anrupai anjo apa le'baka nupa'janjiang!”

MATIUS 23:16

Cilaka ngaseng mako ikau pamimping-pamimping butaya! Nuajari taua angkana, ‘Punna assumpa taua na Balla'Na Batara nipau, tenaja naparallu niu'rangi anjo sumpaya; mingka punna assumpai lanri bulaeng lalang ri Balla'Na Batara musti niu'rangi anjo sumpaya.’

MATIUS 23:18

Nupangngajarrang tongi angkanaya, ‘Punna assumpa taua na tampa' pakkoro'bangnganga nipau, tenaja naparallu niu'rangi anjo sumpaya; mingka punna assumpa taua na koro'bang ratea ri tampa' pakkoro'bangnganga nipau, parallu niu'rangi anjo sumpaya.’

LAMPA-LAMPANA 23:12

Ammukona ri subu-subua, appakkaramulami assikongkolo' tu Yahudia. Assumpami ke'nanga angkana talangnganreai siagang talangnginungai ke'nanga punna tanabunoapi Paulus.

LAMPA-LAMPANA 23:14

A'lampami ke'nanga mae ri imang-imang kapalaya siagang pamimping-pamimpinna tu Yahudia, nampa nakana ke'nanga, “Le'ba'mi assumpa ikambe, angkanaya talangnganreai siagang talangnginungai ikambe, punna tenapa nale'ba' nibuno Paulus ri kambe.

LAMPA-LAMPANA 23:21

Mingka teaki' turukiangi pappala'na ke'nanga, nasaba' nia' tau la'bi patampulo accokko ero' anruppai Paulus ri aganga. Le'ba' ngasemmi ke'nanga assumpa angkanaya talangnganreai siagang talangnginungai ke'nanga punna tanabunoapi Paulus. Kamma-kamma anne sadia memammi attayang ke'nanga; kabara' pappialinta mami natayang ke'nanga.”

2 KORINTUS 1:23

Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

HAKING-HAKING 11:11

Jari a'lampami Yefta siagang pamimping-pamimpinna Gilead. Nampa niangka'mo ri ke'nanga a'jari pamarenta siagang pamimping. Na ri dallekanNa Batara ri Mizpa, napaumi Yefta sikamma apa nakaerokia mae tuniaka ri Gilead.

HAKING-HAKING 11:39

Allalonamo ruam bulang, ammotere'mi mae ri manggena. Nampa nagaukammo manggena apa anjo le'baka napa'janjiang mae ri Batara. Jari matemi anjo anaka lalang tulolona ija. Iaminjo pakkaramula passabakkanna ri tu Israel,