PAMMILANGNGANG 30:12 - KITTA' MATANGKASA'

¹² Mingka punna nipisangkai ri bura'nenna ri wattunna nalangngere' anjo passalaka, anjo bainea tenamo natassikko' ri tinja'na yareka janjinna. Lanipammopporangi ri Batara, lanri nipisangkaina ri bura'nenna.

PAMMILANGNGANG 30:12 ပူးပေါင်းရင်းမြစ်များ

YEREMIA 44:17

Sikontu apa napa'janjianga ikambe, tena tanagaukanna ikambe. Tuli lassarena koro'bang ikambe mae ri Ratu Suruga, siagang appatiri' je'ne' anggoro' salaku passare mae ri ia sangkamma biasaya nigaukang ri kota-kota Yehuda siagang ri agang-aganga ri Yerusalem, iamintu nigaukanga ri boe-boena ikambe, ri sikamma karaenga siagang pagawe-pagawe pamarentana ikambe, kammayatompa nagaukanga kalenna ikambe. Anjo wattua anggannaki kanre-kanreanna ikambe, akkalumanynyangi ikambe, siagang tena sikali kasukkaranna ikambe.

YEREMIA 44:19

Nampa nakana anjo sikamma tubai'-bainea, “Bura'nenna ikambe nasitujui punna appare' ikambe roti kammaya Ratu Suruga pare'na siagang attunu koro'bang kammayatompa assare koro'bang anggoro' mae ri anjo rewatana ikambe.”

PAMMILANGNGANG 15:25

Nampa musti nagaukang imanga upacara pammopporang dosaya untu' ummaka. Lanipammopporangi ke'nanga lanri tenana nakunjungi anggaukangi anjo dosaya, siagang lanri angngerannamo ke'nanga koro'bang pammopporang dosa kammayatompa koro'bang nitunu mae ri Batara.

PAMMILANGNGANG 15:28

Imanga musti nagaukangi upacara pammopporang dosaya ri dallekanNa Batara, sollanna nanipammopporang dosana anjo taua.

PAMMILANGNGANG 30:11

musti narupai ngasengi anjo sikamma apa napa'janjianga, assala' tenaja nakabattallangi bura'nenna ri wattunna nalangngere' anjo passalaka.

PAMMILANGNGANG 30:13

Anjo bura'nenna nia' ha'na untu' ansitujui yareka ampata'jariai se'rea tinja' yareka janji napareka bainenna.

PAMMILANGNGANG 30:5

Mingka punna ri wattu nalangngere'na manggena nakabattallangi anjo passalaka, anjo tuloloa tena nanisikkoki ri tinja'na siagang janjinna. Lanipammopporangi ri Batara, lanri nipisangkaina ri manggena.

PAMMILANGNGANG 30:8

Mingka punna nipisangkai ri bura'nenna ri wattunna nalangngere' anjo passalaka, tena natassikko' ri anjo tinja'na yareka janjinna. Lanipammopporangi ri Batara.

1 KORINTUS 11:3

Mingka nia' ija se're passala' kukellai nuasseng, iamintu angkanaya Almasi a'jari sanrapang ulu mae ri sikontu bura'-bura'nea; kammayatompa bura'nea a'jari sanrapang ulu mae ri massing tu bai'-bainena, kammayatompa pole Allata'ala a'jari sanrapang ulu mae ri Almasi.

1 SAMUEL 1:23

Appialimi Elkana angkana, “Baji'mi, gaukammi apa nukanaya baji' ri pikkirannu. Ammantang mako ri balla' sa'genna narapi' wattunna nusa'la' anynyusu anatta. Siagang tapporo Napa'rupa laloi Batara janjinnu.” Jari ammantammi Hana ri balla' sa'genna narapi' wattunna akkulle nisa'la' anynyusu ana'na.