PAMMILANGNGANG 3:8 - KITTA' MATANGKASA'

⁸ Tugasa'na ke'nanga iamintu angngurusuki sikontu pakkakasa' KemaKu siagang anggaukangi jama-jamanga ri anjo KemaKu untu' ansambeangi tu Israelka.

PAMMILANGNGANG 3:8 ပူးပေါင်းရင်းမြစ်များ

1 PATTOTTORANG 23:27

Situru' kala'busang naparentakanga Daud, sikontu tu Lewi umuru' ruampulo taung siagang irateanganna, musti nicataki untu' nisare tugasa'.

2 PATTOTTORANG 29:11

Ikau ana'-anakku, teako pammukoangi pole, nasaba' ikau ngasemmi Napile Batara untu' anynyomba siagang a'jari atanNa, kammayatompa attunu dupa siagang ampimpingi ra'yaka untu' anynyomba.”

YESAYA 52:11

A'lampamako! Bokoi kota Babel, he ikau ngaseng angngerangai pakkasa'na Balla'Na Allata'ala! Teako seroi barang ra'masaka; tangkasi kalennu ri tenanapa nu'lampa.

PAMMILANGNGANG 10:17

Nampa nibongkara' KemaNa Batara, siagang a'lampami golonganna Gerson siagang Merari ampisangi anjo Kemaya.

PAMMILANGNGANG 10:21

Le'baki anjo a'lampami suku Kehat ampisangi barang-barang matangkasaka. Punna battu ke'nanga mange ri tampa' pakkemaang berua, le'ba'mi nipaenteng poleang KemaNa Batara.

PAMMILANGNGANG 3:7

Sarei tugasa' ke'nanga ri KemaKu siagang musti nalayani sikamma imanga kammayatompa sikontu ummaka siagang jama-jamanna ke'nanga ri anjo KemaKu.

PAMMILANGNGANG 3:9

Battua ri bansa Israel, poro suku Lewi ji bawang kusare tugasa' a'jari palayang situlina mae ri Harun siagang jari-jarina.

PAMMILANGNGANG 31:30

Battu ri bageanna umma' Israel, musti nuallei tasse're battu ri ta'limampuloa, baji' battu ri tau nitahanga, kammayatompa battu ri sapia, keledaia, gimbalaka siagang bembea. Passareangi anjo sikammaya mae ri tu Lewi angngurusukai KemaKu.”

PAMMILANGNGANG 4:15

Nakana Batara mae ri Musa siagang Harun, “Ri wattunna nubongkara' pakkemaanga, Harun siagang ana'na musti antamaki ri KemaKu na narangka' ngaseng sikontu barang-baranga siagang pakkakasa' niaka anjoreng. Nampami punna le'baki anjo, akkullemi tu Kehat battu untu' ambuleki. Mingka takkulleai ke'nanga anciniki, anreppesi yareka anseroi anjo barang-baranga, lanri le'ba'namo nisa'la' anjo barang-baranga untu' iNakke. Punna nagaukangi ke'nanga anjo kammaya, mattantu matei ke'nanga. Jari, sollanna natena nacappu' anjo tu Kehat battu ri suku Lewi, Harun siagang ana'-ana'na musti ansarei tugasa' ke'nanga angkanaya apa massing naerang anjo ke'nanga. Iaminjo tugasa'na tu Kehat ri wattunna nipalette' KemaKu. Eleazar, ana'na Harun tanggong jawa' mae ri sikontu KemaKu, minynya' lampua, dupaya, koro'bang gandung tuli nipatalaya, minynya' upacara siagang sikontu apa niaka ilalang ri anjo KemaKu.”

PAMMILANGNGANG 4:28

Iaminjo tugasa'na tu Gerson lalang ri Kemaya; anjo sikammaya tugasaka musti nigaukangi na nipimpingi ri Itamar, ana'na Imang Harun.

PAMMILANGNGANG 4:33

Iaminjo tugasa'na golongang bijanna Merari; Itamar ana'na Imang Harun musti ampimpingi ke'nanga anggaukangi sikontu jama-jamanna ke'nanga ri KemaNa Batara.