PAMMILANGNGANG 3:6 - KITTA' MATANGKASA'

⁶ “Suroi suku Lewi battu andallekang, nampa nujo'jo' ke'nanga a'jari palayang-palayanna Harun.

PAMMILANGNGANG 3:6 ပူးပေါင်းရင်းမြစ်များ

1 PATTOTTORANG 15:2

Nakanamo Daud, “Tu Lewiji bawang akkulle angngangkaki Patti ParjanjianNa Batara, nasaba' iami ke'nanga nipile ri Batara untu' ampisangi anjo Pattia, siagang allayani mae ri Ia sa'genna satunggu-tungguna.”

1 PATTOTTORANG 23:28

Musti nabantui imang-imang turunganna Harun lalang anggaukangi pa'gaukang sambayanga lalang ri Balla'Na Batara, amparakai parang lakkenna siagang sikamma kamaraka lalang ri anjo Balla'Na Batara, siagang sollanna yangasenna apa-apa le'bakamo nipa'jari tangkasa' untu' Batara tena na'jari ra'masa'.

1 PATTOTTORANG 23:32

Nisare tongi tugasa' ke'nanga untu' amparakai KemaNa Batara kammayatompa Balla'Na Batara, siagang ambantui sikamma sari'battanna ke'nanga, iamintu sikamma imang turunganna Harun, untu' anggaukangi passambayanganga ri anjo tampaka.

1 PATTOTTORANG 6:33

Garisi' pattottoranna sikamma anjo tau nisarea tugasa' iamintu: Battu ri tu Kehat: Heman, ana'na Yoël. Iami ampimpingi kalompo'na pakelong makase'rea. Garisi' pattottoranna battu rawa sa'genna nai' ri Yakub iamintu: Heman, Yoël, Samuel.

2 PATTOTTORANG 29:11

Ikau ana'-anakku, teako pammukoangi pole, nasaba' ikau ngasemmi Napile Batara untu' anynyomba siagang a'jari atanNa, kammayatompa attunu dupa siagang ampimpingi ra'yaka untu' anynyomba.”

EZRA 6:18

Nampa untu' angngatoroki palayananga lalang ri Balla'Na Batara nibagemi antama ri siapa area golongang sikamma imanga siagang sikamma tu Lewia manuru' paratorang niaka tattulisi' lalang ri kitta'na Musa.

MALEAKHI 2:4

Jari lanuassemmi angkanaya anne parentaya le'ba'mi Kupassuroang, sollanna anjo parjanjiangKu siagang sikamma imanga, jari-jarina Lewi, tuli tappakei.

PAMMILANGNGANG 18:21

Nakana Batara mae ri Harun, “Sikontu passare bagesampulona tu Israel Kupassareangi mae ri tu Lewi. Iaminjo bageang warisi'na ke'nanga untu' jama-jamanna ke'nanga ri KemaKu.

PAMMILANGNGANG 2:17

Le'baki anjo, ri tangnga-tangngana sikontu pasukang Israel, a'jappai suku Lewi ampisangai KemaNa Batara. Sangkamma batena ke'nanga akkema, kamma tomminjo batena ke'nanga a'jappa, massing ri tampa'na situru' bandera-banderana ke'nanga.

PAMMILANGNGANG 2:33

Sangkamma Naparentakanga Batara mae ri Musa, tu Lewi tena nidattaraki siagang sikamma tu Israel maraenga.

PAMMILANGNGANG 3:5

Nakana Batara mae ri Musa,

PAOLE 10:8

Anjoreng ri monconga Naallemi Batara tu Lewi nampa Nasa'la' untu' angngurusuki Patti Parjanjianga siagang nalayani Batara, kammayatompa ampabattui kana barakkaka lalang arenNa Batara. Iaminjo tugasa'na ke'nanga sa'genna kamma-kamma anne.