PAMMILANGNGANG 3:32 - KITTA' MATANGKASA'

³² Kapalana suku Lewi iamintu Eleazar, ana'na Harun. Ia angngawasi sikamma tau tugasaka ri Kamara' Matangkasaka.

PAMMILANGNGANG 3:32 ပူးပေါင်းရင်းမြစ်များ

2 KARAENG-KARAENG 25:18

Pantaranganna anjo najakkala' tongi Nebuzaradan iamintu Imang Lompo Seraya, Zefanya imang pambantuna, tallu tau pajaga pakke'bu' Balla'Na Batara, lima tau biasaya napappalakki pappitangara' karaenga niaka ija ri kotaya, panglima, wakkele' panglima pangurusu'na sura'-sura'na tantaraya, siagang 60 tumalompo maraengannaya.

EZRA 7:5

Abisua Pinehas Eleazar Imang Lompoa Harun.

YEHEZKIEL 40:45

Nakana anjo tu bura'nea ri nakke angkanaya anjo los a'dalle' timboroka nipasadiakangi sikamma imang tugasaka ri Balla'Na Batara,

PAMMILANGNGANG 3:31

Iami ke'nanga tanggong jawa' mae ri Patti Parjanjiang, mejang, sikamma tampa' pakkoro'bangnganga, sikamma pakkakasa' napakea sikamma imanga lalang ri Kamara' Matangkasaka, siagang gordeng passimbanna Kamara' Matangkasaka. Iami ke'nanga tanggong jawa' mae ri sikontu anjo barang-barang sikammaya.

PAMMILANGNGANG 3:33

Golongang bija battua ri Merari iamintu Kaluarga Mahli siagang Kaluarga Musi.

PAMMILANGNGANG 4:27

Musa siagang Harun musti najagai sollanna nigaukang anjo jama-jamang napassareanga Harun siagang ana'-ana'na mae ri tu Gerson, kammayatompa sikamma barang-barang eroka nierang, sollanna nierangi.

PAMMILANGNGANG 8:26

Le'baki anjo akkullei nabantu tu Lewi maraenga, ia tugasaka lalang ri KemaKu, mingka tenamo nattantu tugasa'na. Kammaminjo carana niatoro' jama-jamanna tu Lewi.”