PAMMILANGNGANG 29:8 - KITTA' MATANGKASA'

⁸ Passareangi mae ri Batara koro'bang nitunua iamintu sikayu sapi laki rungkaya, sikayu gimbala' laki siagang tuju kayu ana' gimbala' laki umuru' tassitaunga, massing tenaya ngaseng callanna. Rasanna anjo koro'banga napakasannangi nyawaNa Batara.

PAMMILANGNGANG 29:8 ပူးပေါင်းရင်းမြစ်များ

KAIMANGNGANG 1:3

Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 22:20

Teako assarei olo'-olo' niaka callanna nasaba' taerokai Batara antarimai.

PAMMILANGNGANG 28:19

Passareangi mae ri Batara koro'bang nitunua iamintu ruang kayu sapi laki rungkaya, sikayu gimbala' laki, siagang tuju kayu ana' gimbala' laki umuru' tassitaunga, massing tenaya ngaseng callanna.

PAMMILANGNGANG 29:13

Ri allo makase'rea passareangi mae ri Batara koro'bang nitunua iamintu sampulo antallu kayunna sapi laki, ruang kayu gimbala' laki rungka, siagang sampulo angngappa' kayunna ana' gimbala' laki umuru' tassitaunga, massing tenaya ngaseng callanna. Rasanna anjo koro'banga napakasannangi nyawaNa Batara.

PAMMILANGNGANG 29:2

Passareang tongi mae ri Batara koro'bang nitunua iamintu sikayu sapi laki rungkaya, sikayu gimbala' laki, siagang tuju kayu ana' gimbala' laki umuru' tassitaunga, massing tenaya ngaseng callanna. Rasanna anjo koro'banga napakasannangi nyawaNa Batara.

PAMMILANGNGANG 29:9

Passareangi koro'bang nipatala tenaya nakkulle tanipassareang, iamintu labu' nipasileoka siagang minynya' zaitun: tallu kilo untu' sapi lakia, rua kilo untu' gimbala' lakia,

PAOLE 15:21

Mingka punna nia' caca'na anjo olo'-oloka, ebara'na akkeppangi yareka butai yareka caca' battala' maraengannaya, takkulleai nupassareang mae ri Karaeng Allata'alanu.

PAOLE 17:1

Teako assarei sapi yareka gimbala' niaka callanna mae ri Karaeng Allata'alanu, lanri taNangaiyai Karaeng Allata'alanu.