PAMMILANGNGANG 29:6 - KITTA' MATANGKASA'

⁶ Sikamma anjo koro'banga a'jari pannambai mae ri koro'bang nitunu nipassareanga siagang koro'bang nipatalaya, ri tanggala' se're tunggala' bulang. Kammayatompa a'jari pannambai mae ri koro'bang nitunu tunggala' alloa, nipassareanga siagang koro'bang nipatala na koro'bang je'ne' anggoro'na. Rasanna anjo koro'banga napakasannangi nyawaNa Batara.

PAMMILANGNGANG 29:6 ပူးပေါင်းရင်းမြစ်များ

EZRA 3:4

Nasuarri tommi ke'nanga Allo Lompo Pa'ballakang Leko'-leko' Kayua, situru' paratoranga; nampa allo-allona ke'nanga tuli assare koro'bang nipattantua untu' anjo alloa.

KAIMANGNGANG 6:9

ampassareangi mae ri Harun siagang ana'-ana'na anne paratorang-paratoranga ri passala'na yangaseng koro'bang nitunua. Imanga musti napadongkoki koro'bang nitunua irate ri tampa' koro'banga siagang naboli' sipattang, na musti tuli a'rinrai pepe'na.

PAMMILANGNGANG 15:4

Inai-nai assare gimbala' yareka bembe untu' koro'bang nitunu mae ri Batara, musti napasierang tongi siagang anjo tunggala' olo'-oloka iamintu sikilo labu' nipasileoka siagang silitere' minynya' zaitun untu' koro'bang nipatala, kammayatompa pole silitere' je'ne' anggoro'.

PAMMILANGNGANG 28:27

Passareangi mae ri Batara koro'bang nitunua iamintu ruang kayu sapi laki, sikayu gimbala' laki rungkaya nampa tuju kayu ana' gimbala' laki umuru' tassitaunga, massing tenaya ngaseng callanna. Rasanna anjo koro'banga napakasannangi nyawaNa Batara.

PAMMILANGNGANG 29:18

Passareangi siagang yangasenna anjo sikammaya iamintu sikontu koro'bang maraengang sangkamma niparalluanga ri allo makase'rea.

PAMMILANGNGANG 29:21

Passareang tongi siagang yangasenna anjo sikammaya iamintu sikamma koro'bang maraengang sangkamma niparalluanga ri allo makase'rea.

PAMMILANGNGANG 29:5

Passareang tongi sikayu bembe laki untu' koro'bang pammopporang dosa. Kammaminjo caranu anggaukangi upacara pannangkasi dosana ummaka.

PAMMILANGNGANG 9:14

Punna nia' ri alla'nu bansa maraeng ero' ampakalompoi allo Paskaya, musti napakalompoi situru' sikontu paratoranga siagang katantuanga. Anne hukkunga musti napakei tunggala' taua, baji' tu Israel kammayatompa bansa maraenga.”