PAMMILANGNGANG 28:6 - KITTA' MATANGKASA'

⁶ Iaminjo koro'bang nitunu tamattappuka, appakkaramulaya nipassareang ri Moncong Sinai. Rasanna anjo passarea napakasannangi nyawaNa Batara.

PAMMILANGNGANG 28:6 ပူးပေါင်းရင်းမြစ်များ

2 PATTOTTORANG 2:4

Kamma-kamma anne erokka' ambangung se're balla' sambayang untu' ampakala'biriki Karaeng Allata'alaku. Anjo ballaka lakupakei siagang ra'yakku untu' anynyomba ri Ia, attunu dupa bauka rasanna, kammayatompa assare roti nipatala mae ri Ia untu' satunggu-tungguna. Lanjoreng tomma' lassare koro'bang nitunu untu' bari'basa' karueng, punna allo Pammari-mariang, punna allo lompo Bulang Beru, siagang allo-allo maraengannaya nipakatangkasaka untu' ampakala'biriki Karaeng Allata'alana ikambe. Nasaba' le'ba'mi Naparentakang sollanna nagaukang tu Israel anjo kammaya sa'genna satunggu-tungguna.

2 PATTOTTORANG 31:3

Battu ri olo'-olo' piara kalenna karaenga, assaremi karaenga sumbangang niparalluanga untu' koro'bang bari'basa' karuenga siagang koro'bang nipassareanga ri allo Pammari-marianga, ri Allo Lompo Bulang Berua, siagang ri allo-allo lompo maraengannaya, kammayami le'baka nipattantu lalang ri hukkung-hukkunNa Batara.

EZRA 3:4

Nasuarri tommi ke'nanga Allo Lompo Pa'ballakang Leko'-leko' Kayua, situru' paratoranga; nampa allo-allona ke'nanga tuli assare koro'bang nipattantua untu' anjo alloa.

PAMMUJI 50:8

Teai passabakkang koro'bannu naKutuntukko; koro'bang nitununu tuli nia'na ri dallekangKu.

KALAPPASSANG 24:18

Napatulusu'mi Musa angngambi' sa'genna antama' ri anjo rammanga. Patampulo allo patampulo bangngi ammantang Musa anjoreng.

KALAPPASSANG 31:18

Le'baki a'bicara siagang Musa irate ri Moncong Sinai, Napassareammi Allata'ala anjo ruaya batu le'baka Napannulisi Allata'ala siagang sikamma parentaNa.

YEHEZKIEL 46:14

Pantaranganna anjo, tunggala' bari'basa' musti nipassareang tongi rua kilogarang gandung siagang se're litere' minynya' zaitun untu' nipasileo' siagang anjo gandunga. Iaminjo koro'bang gandung tunggala' alloa musti nipassareang mae ri Batara; anjo atoranga nipakei untu' satunggu-tungguna.

YEHEZKIEL 46:15

Tunggala' bari'basa', musti nipassareangi mae ri Batara iamintu: sikayu ana' gimbala', koro'bang gandung siagang minynya' zaitun.”

KAIMANGNGANG 27:34

Iaminjo parenta-parenta Napassareanga Batara irate ri Moncong Sinai mae ri Musa untu' bansa Israel.

KAIMANGNGANG 6:9

ampassareangi mae ri Harun siagang ana'-ana'na anne paratorang-paratoranga ri passala'na yangaseng koro'bang nitunua. Imanga musti napadongkoki koro'bang nitunua irate ri tampa' koro'banga siagang naboli' sipattang, na musti tuli a'rinrai pepe'na.

AMOS 5:25

He umma' Israel, ri wattunnu Kururungang allalo ri parang lompo patampulo taung sallona, tena Kuppala' passare siagang koro'bang battu ri kau ngaseng.

PAMMILANGNGANG 28:5

Siagang anjo ana' gimbalaka musti nipassareang tongi sikilo labu' nipasileoka siagang silitere' minynya' zaitun kaminang bajika.

PAMMILANGNGANG 28:7

Siagang anjo ana' gimbalaka musti nipassareang tongi silitere' je'ne' anggoro' nipatirika irate ri tampa' pakkoro'bangnganga.

FILIPI 2:17

Nakulle kapang lanibunoa' siagang latassolongi cerakku anjari sangkamma koro'bang nipatirika irate ri apa nupassareanga mae ri Allata'ala anjari' pammatei angkana tappakko ri Ia. Punna memang musti kammai anjo, appala' sukkuruka', siagang amminawang tonga' rannu siagang ikau ngaseng.