PAMMILANGNGANG 28:3 - KITTA' MATANGKASA'

³ Iaminne koro'bang mustia nipassareang mae ri Batara: Untu' koro'bang tunggala' allo, ruang kayu ana' gimbala' laki umuru' sitaunga siagang tenaya callanna,

PAMMILANGNGANG 28:3 ပူးပေါင်းရင်းမြစ်များ

1 PATTOTTORANG 16:40

Bari'basa' karuengi ke'nanga musti assare koro'bang nitunu irate ri tampa' pakkoro'bangnganga situru' hukkung-hukkung Napassareanga Batara mae ri tu Israel.

2 PATTOTTORANG 8:13

Anjo koro'bang-koro'banga nipassareangi situru' hukkung napassareanga Musa untu' tunggala' allo lompoa, kammayami: allo Pammari-marianga, allo lompo Bulang Beru, siagang tallua allo lompo taung-taung iamintu allo lompo Roti Tenaya Nammake Pa'gambang, allo lompo Pakkattoang, siagang allo lompo Pa'balla'-ballakang Leko'-leko'.

EZRA 3:5

Pantaranganna anjo ta'atoro' tommi ke'nanga assare koro'bang nitunu siagang koro'bang ri Allo Lompo Bulang Beru, siagang ri sikontu allo lompo maraengannaya, ia nigaukanga untu' anynyomba ri Batara. Assare tommi ke'nanga pasare situlusu' pa'mai'na ke'nanga mae ri Batara.

DANIEL 11:31

Nampa akkiring pasukang untu' anra'massi Balla'Na Batara. Lanapammari ke'nanga koro'bang allo-alloa siagang appaentengi ke'nanga apa appakamalla' sikalia, iamintu niarenga Kaja'dallang Angngancuruka.

DANIEL 12:11

Appakkaramula battu ri allo nipammarina anjo koro'bang allo-alloa siagang sikamma appakamalla' niarenga Kaja'dallang Angngancuru' nipaenteng, nia' 1.290 allo.

DANIEL 8:11

Ba'lalo napa'ngarai panglimana tantara suruga, napammari koro'bang passare allo-alloa mae ri anjo panglimaya, siagang narumbangi balla' ibadaya mae ri ia.

DANIEL 8:13

Nampa kulangngere' sa'ra malaekaka akkana mae ri malaeka' maraengannaya, “Sa'ge kemae sallona anjo sikontu apa nicinika lalang paccinika lakajariang? Sa'ge siapa sallona anjo dosa lompoa ansambeangi koro'bang allo-alloa? Sa'ge siapa sallona tantara suruga siagang balla' ibadaya lanionjo'-onjokang?”

KAIMANGNGANG 3:5

Yangasenna anjo, siagang koro'bang nitunu maraengannaya, musti nitunui irate ri tampa' pakkoro'bangnganga. Rasanna anjo koro'bang kanrea lanapakasannangi nyawaNa Batara.

KAIMANGNGANG 6:9

ampassareangi mae ri Harun siagang ana'-ana'na anne paratorang-paratoranga ri passala'na yangaseng koro'bang nitunua. Imanga musti napadongkoki koro'bang nitunua irate ri tampa' koro'banga siagang naboli' sipattang, na musti tuli a'rinrai pepe'na.

AMOS 4:4

Nakana Batara Kaminang Tinggia, “He umma' Israel! A'lampa lalo mako mange ri tampa' ibadaya ri Betel, siagang gaukammi dosaya anjoreng! A'lampako mange ri Gilgal siagang gaukammi dosaya situru' pangngainnu! Assare mako koro'bang tunggala' bari'basa', siagang angngerang bage sampulona battu ri sikontu alle polenu lalang tunggala' tallungalloa!

PAMMILANGNGANG 28:10

Anjo koro'bang nitunua musti nipassareangi tunggala' allo Pammari-mariang salaku tambanna koro'bang tunggala' alloa siagang ngaseng koro'bang je'ne' anggoro'na.

PAMMILANGNGANG 28:15

Salaku pannambang mae ri koro'bang tunggala' alloa siagang je'ne' anggoro'na, musti nipassareang tongi sikayu sapi laki untu' koro'bang pammopporang dosa.

PAMMILANGNGANG 28:23

Yangasenna anjo koro'banga a'jari pannamba mae ri koro'bang nitunu bari'basaka sangkamma biasa.

PAMMILANGNGANG 28:24

Kamma tomminjo caranu musti assare koro'bang lalang tuju alloa mae ri Batara. Anjo koro'banga a'jari pannambai mae ri koro'bang nitunu tunggala' alloa siagang koro'bang je'ne' anggoro'na. Rasanna anjo koro'banga napakasannangi nyawaNa Batara.

PAMMILANGNGANG 28:31

Anjo sikamma koro'banga siagang koro'bang anggoro'na a'jari pannambai mae ri koro'bang tunggala' alloa siagang koro'bang nipatalaya.

PAMMILANGNGANG 28:4

sikayu untu' passare bari'basa', na sikayu untu' passare karueng.

PAMMILANGNGANG 29:11

Passareang tongi sikayu bembe laki untu' upacara pammopporang dosana ummaka, pantaranganna koro'bang pammopporang dosaya siagang koro'bang nitunu tunggala' alloa kammayatompa koro'bang nipatala siagang koro'bang je'ne' anggoro'na nipassareanga anjo alloa.

PAMMILANGNGANG 29:16

Pantaranganna anjo passareang tongi sikayu bembe laki untu' koro'bang pammopporang dosa. Anjo koro'banga a'jari pannambai mae ri koro'bang nitunu tunggala' alloa siagang koro'bang nipatalaya kammayatompa koro'bang je'ne' anggoro'na.

PAMMILANGNGANG 29:6

Sikamma anjo koro'banga a'jari pannambai mae ri koro'bang nitunu nipassareanga siagang koro'bang nipatalaya, ri tanggala' se're tunggala' bulang. Kammayatompa a'jari pannambai mae ri koro'bang nitunu tunggala' alloa, nipassareanga siagang koro'bang nipatala na koro'bang je'ne' anggoro'na. Rasanna anjo koro'banga napakasannangi nyawaNa Batara.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

IBRANI 9:6

Kamma ngasemmi anjo batena niatoro'. Allo-allona imang-imanga antama' anjoreng ri bageang dallekanna anjo pammantangang nipaentenga, untu' anggaukangi jama-jamanna ke'nanga.

PAPPICINI' 13:8

Anjo olo'-oloka lanisombai ri sikontu tau attallasaka ri lino, pantaranganna tau le'bakamo nitulisi' arenna ri wattu tenanapa nipa'niaki linoa, lalang ri kitta' katallassanNa anjo Ana' Gimbala' le'baka nisamballe.