PAMMILANGNGANG 28:27 - KITTA' MATANGKASA'

²⁷ Passareangi mae ri Batara koro'bang nitunua iamintu ruang kayu sapi laki, sikayu gimbala' laki rungkaya nampa tuju kayu ana' gimbala' laki umuru' tassitaunga, massing tenaya ngaseng callanna. Rasanna anjo koro'banga napakasannangi nyawaNa Batara.

PAMMILANGNGANG 28:27 ပူးပေါင်းရင်းမြစ်များ

PAMMILANGNGANG 28:11

Ri pakaramulanna tunggala' bulanga musti nipassareangi mae ri Batara koro'bang nitunua iamintu ruang kayu sapi laki rungkaya, sikayu gimbala' laki, tuju kayu ana' gimbala' laki umuru' sitaunga, massing tenaya ngaseng callanna.

PAMMILANGNGANG 28:19

Passareangi mae ri Batara koro'bang nitunua iamintu ruang kayu sapi laki rungkaya, sikayu gimbala' laki, siagang tuju kayu ana' gimbala' laki umuru' tassitaunga, massing tenaya ngaseng callanna.

PAMMILANGNGANG 28:26

Ri allo makase'rena Allo Lompo Pakkattoanga, allo lompo lappasa'na tappintujua tattuju allo, ri wattunna nupassareang gandung berua mae ri Batara, musti asse're ngasengko untu' anggaukangi ibadaya, siagang takkulleako anggaukangi jama-jamang battalaka.

PAMMILANGNGANG 28:28

Passareangi koro'bang tenaya nakkulle tanipassareang, iamintu labu' nipasileoka siagang minynya' zaitun: tallu kilo untu' tassikayua sapi laki, rua kilo untu' gimbala' laki,

PAMMILANGNGANG 29:6

Sikamma anjo koro'banga a'jari pannambai mae ri koro'bang nitunu nipassareanga siagang koro'bang nipatalaya, ri tanggala' se're tunggala' bulang. Kammayatompa a'jari pannambai mae ri koro'bang nitunu tunggala' alloa, nipassareanga siagang koro'bang nipatala na koro'bang je'ne' anggoro'na. Rasanna anjo koro'banga napakasannangi nyawaNa Batara.