PAMMILANGNGANG 28:24 - KITTA' MATANGKASA'

²⁴ Kamma tomminjo caranu musti assare koro'bang lalang tuju alloa mae ri Batara. Anjo koro'banga a'jari pannambai mae ri koro'bang nitunu tunggala' alloa siagang koro'bang je'ne' anggoro'na. Rasanna anjo koro'banga napakasannangi nyawaNa Batara.

PAMMILANGNGANG 28:24 ပူးပေါင်းရင်းမြစ်များ

KALAPPASSANG 29:40

Siagang anjo ana' gimbala' untu' passare bari'basaka, musti nipassareang tongi se're kilo battala'na tarigu kaminang bajika, ia nipasileoka siagang silitere' minynya' zaitun tenaya campuranna. Pantaranganna anjo nipassareang tongi silitere' je'ne' anggoro'.

YEHEZKIEL 45:23

Lalang nigaukanna anjo passua'-suarranga, lalang tuju allo sallona, tunggala' allo musti assarei mae ri Batara tuju kayu sapi laki siagang tuju kayu gimbala' laki ia tenaya caca'na nampa natunu akkayu. Tunggala' allo musti assare tongi sikayu bembe laki untu' koro'bang pammopporang dosa.

KAIMANGNGANG 3:11

Imang tugasaka musti natunu ngasengi anjo irate ri tampa' pakkoro'bangnganga untu' a'jari koro'bang nikanre mae ri Batara.

PAMMILANGNGANG 28:3

Iaminne koro'bang mustia nipassareang mae ri Batara: Untu' koro'bang tunggala' allo, ruang kayu ana' gimbala' laki umuru' sitaunga siagang tenaya callanna,

IBRANI 10:11

Sikamma imang Yahudia massing nagaukangi jama-jamang allo-allona; siagang a'mole-molei assare koro'bang natuli sangkammanaja anjo koro'bang napassareanga. Mingka sikamma anjo koro'banga tena sikali nakkulle natangkasi dosaya.