PAMMILANGNGANG 28:11 - KITTA' MATANGKASA'

¹¹ Ri pakaramulanna tunggala' bulanga musti nipassareangi mae ri Batara koro'bang nitunua iamintu ruang kayu sapi laki rungkaya, sikayu gimbala' laki, tuju kayu ana' gimbala' laki umuru' sitaunga, massing tenaya ngaseng callanna.

PAMMILANGNGANG 28:11 ပူးပေါင်းရင်းမြစ်များ

2 KARAENG-KARAENG 4:23

Akkuta'nammi bura'nenna angkana, “Angngapa numusti a'lampa kamma-kamma anne? Anne alloa teai allo Pammari-mariang siagang teai allo lompo Bulang Beru.” Appialimi angkana, “Tena nangngapa.”

1 PATTOTTORANG 23:31

kammayatompa ri wattu-wattu nia' koro'bang nitunu untu' Batara ri allo Pammari-marianga, ri allo passua'-suarrang Bulang Beru, siagang ri allo passua'-suarrang maraengannaya. Ri passala'na siapa jaina tu Lewi ri wattu-wattu tugasa'na, le'ba' tommi nipare' paratoranna. Sa'genna satunggu-tungguna musti nagaukang tu Lewi anjo tugasaka.

2 PATTOTTORANG 2:3

Akkiringi Salomo kabara' kammaya anne mae ri Hiram karaeng Tirus, “Maeki' nakiassambungang a'danggang sangkamma siagang manggeku Daud. Le'bakki' a'balu' ri ia kayu camara Libanon untu' ambangungi balla' kakaraenganna.

2 PATTOTTORANG 2:4

Kamma-kamma anne erokka' ambangung se're balla' sambayang untu' ampakala'biriki Karaeng Allata'alaku. Anjo ballaka lakupakei siagang ra'yakku untu' anynyomba ri Ia, attunu dupa bauka rasanna, kammayatompa assare roti nipatala mae ri Ia untu' satunggu-tungguna. Lanjoreng tomma' lassare koro'bang nitunu untu' bari'basa' karueng, punna allo Pammari-mariang, punna allo lompo Bulang Beru, siagang allo-allo maraengannaya nipakatangkasaka untu' ampakala'biriki Karaeng Allata'alana ikambe. Nasaba' le'ba'mi Naparentakang sollanna nagaukang tu Israel anjo kammaya sa'genna satunggu-tungguna.

2 PATTOTTORANG 8:13

Anjo koro'bang-koro'banga nipassareangi situru' hukkung napassareanga Musa untu' tunggala' allo lompoa, kammayami: allo Pammari-marianga, allo lompo Bulang Beru, siagang tallua allo lompo taung-taung iamintu allo lompo Roti Tenaya Nammake Pa'gambang, allo lompo Pakkattoang, siagang allo lompo Pa'balla'-ballakang Leko'-leko'.

EZRA 3:5

Pantaranganna anjo ta'atoro' tommi ke'nanga assare koro'bang nitunu siagang koro'bang ri Allo Lompo Bulang Beru, siagang ri sikontu allo lompo maraengannaya, ia nigaukanga untu' anynyomba ri Batara. Assare tommi ke'nanga pasare situlusu' pa'mai'na ke'nanga mae ri Batara.

NEHEMIA 10:33

Lanapasadiai ikambe sikamma kaparalluanga untu' panynyombang ri Balla'Na Batara ri Yerusalem, iamintu: roti lanipatalaya, gandung passare allo-alloa, olo'-olo' untu' koro'bang nitunu allo-alloa, passare matangkasa' maraengannaya, koro'bang-koro'bang untu' nipammopporanna dosa Israel, siagang sikontu apa niparluanga untu' Balla'Na Batara ri Yerusalem.

PAMMUJI 40:6

O, Batara, tamaka jaina bate paretTa mae ri kambe, o, Batara Allata'alaku, iKatte tena sangkammanTa! Tamaka jaina rancana appakalannasatTa mae ri kambe, tena olona lakkulle nicarita ngaseng.

PAMMUJI 40:8

Nampa kukana, “Annemi kalengku, lalang gulungang kitta' tattulisika untu' inakke:

PAMMUJI 81:3

Appasa'rako rabana, appasa'rako kelong, ko'bi' bajiki gambusuka siagang kacapia.

PAMMUJI 81:4

Tuiki tarompeka ri allo nipakalompota, ri passua'-suarrang bulang beru siagang bulang sumara'.

YESAYA 66:23

Tunggala' Bulang Beru siagang allo Pammari-marianga labattui sikontu umma' rupataua untu' anynyomba ri Nakke ri Yerusalem.

YEHEZKIEL 46:1

Nakana Batara Kaminang Tinggia, “Pakke'bu' lompo bageang raya a'lampa mangea ri paranglakkeng bageang lalanga musti tuli tattongkoki lalang annang allo panjamanga. Anjo pakke'bu' lompoa allo Pammari-mariang bawang siagang allo Passua'-suarrang Bulang Beru nampa akkulle nisungke.

YEHEZKIEL 46:6

Ri wattu Passua'-suarranna Bulang Berua anjo passarea musti a'rupa sikayu sapi laki, annang kayu ana' gimbala', kammayatompa sikayu gimbala' laki, kabusu'na tena caca'na.

YEHEZKIEL 46:7

Tunggala' sapi lakia siagang bembe lakia musti nipassareangi siagang gandung 17,5 litere', tunggala' ana' gimbala' musti nipassareangi siagang gandung, siapa-siapa mamo jaina situru' nakaerokia. Tunggala' koro'bang gandunga musti nipasiagangi tallu litere' minynya' zaitun.

HOSEA 2:11

Sikontu passua'-suarranna laKupammari, baji' passua'-suarrang taung kammayatompa passua'-suarrang bulang-bulang siagang allo-allo Pammari-mariang; bodona kana, sikontu allo lompo agamana ke'nanga laKupammari.

KAIMANGNGANG 1:13

Nampa anjo taua musti nabissai bone parru'na siagang bongganna anjo olo'-oloka. Nampa musti napassareang ngaseng imanga mae ri Batara, na natunu irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

KAIMANGNGANG 1:3

Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 1:9

Anjo taua musti nabissai bone parru'na siagang bongganna anjo sapia; nampa imang tugasaka musti natunu ngasengi anjo ri tampa' pakkoro'banga. Rasanna anjo koro'banga lanapakasannangi nyawaNa Batara.

AMOS 3:5

Maka laniallei ri sikko' jangang-janganga lalang sikkoka, punna tena nitannangi sikkoka? Maka latattongkoki sikkoka punna tenapa apa-apa najakkala'?

AMOS 8:5

Nukana ngaseng mae ri kalennu, “Teai sipato' sallona allo-allo passua'-suarranga. Erokki' akkaro-karo mange ambalukangi gandunta, mingka anne passua'-suarranga tena le'ba'-le'ba'na. Angngapapi nale'ba' anne allo Pammari-marianga, sollanta akkullemo a'balu pole? Erokki accatu', annipu ri pa'baku' siagang jekkong ri timbanganga.

PAMMILANGNGANG 10:10

Kammayatompa ri allo-allo karannuannu, iamintu ri allo passua'-suarrang Bulang Beru siagang passua'-suarrannu maraengannaya, anjo tarompeka musti nituiki ri wattunnu assare koro'bang nitunu siagang koro'bang passiamakkang mae ri Nakke. Jari iNakke lantulung ngasengko. INakkemi Karaeng Allata'alanu.”

PAMMILANGNGANG 28:19

Passareangi mae ri Batara koro'bang nitunua iamintu ruang kayu sapi laki rungkaya, sikayu gimbala' laki, siagang tuju kayu ana' gimbala' laki umuru' tassitaunga, massing tenaya ngaseng callanna.

GALATIA 4:10

Nupakalompoi allo-allo attantua, bulang-bulang attantua, siagang taung-taung attantua.

KOLOSE 2:16

Lanri kammana, teako pa'biangi taua ampasalako ri passala' apa-apa nikanrea yareka apa-apa niinunga, yareka ri passala' allo-allo lompona agamaya, yareka passua'-suarrang bulang berua, yareka ri passala'na allo Pammari-marianga.

KOLOSE 2:6

Nutarimami Isa Almasi a'jari Bataranu. Lanri kammanami anjo paralluko asse're siagang Ia lalang ri katallassannu,

1 SAMUEL 20:5

Appialimi Daud, angkana, “Kamma anne. Ammuko allo Passua'-suarrang Bulang Beru, nampa mustina sipangnganreanga' siagang karaenga. Mingka punna situjuko, la'lampa' mange accokko ri paranga sa'genna ammembara' ri bangngia.

1 SAMUEL 9:12

Appialimi anjo sikamma tuloloa angkana, “Iye', nia', silalonna nia' a'jappa allaloi ikambe. Punna akkaro-karoki', nakulle akkullei kirapi'. Silalonna battu ri kotaya, nasaba' anne alloa irate ri tampa' pakkoro'bangnganga ri buluka, nia' passare koro'banna ra'yaka. Tena nalangnganre tau jaia punna tenapa nabattu, lanri musti nabarakkaki rolong anjo koro'banga. Punna a'lampaki' kamma-kamma anne, lakirapi'mi ri tenanapa nangngambi' ri bontoa untu' mange angnganre.”