kammayatompa ri wattu-wattu nia' koro'bang nitunu untu' Batara ri allo Pammari-marianga, ri allo passua'-suarrang Bulang Beru, siagang ri allo passua'-suarrang maraengannaya. Ri passala'na siapa jaina tu Lewi ri wattu-wattu tugasa'na, le'ba' tommi nipare' paratoranna. Sa'genna satunggu-tungguna musti nagaukang tu Lewi anjo tugasaka.
PAMMILANGNGANG 28:1
17 ပူးပေါင်းရင်းမြစ်များ
Kamma-kamma anne erokka' ambangung se're balla' sambayang untu' ampakala'biriki Karaeng Allata'alaku. Anjo ballaka lakupakei siagang ra'yakku untu' anynyomba ri Ia, attunu dupa bauka rasanna, kammayatompa assare roti nipatala mae ri Ia untu' satunggu-tungguna. Lanjoreng tomma' lassare koro'bang nitunu untu' bari'basa' karueng, punna allo Pammari-mariang, punna allo lompo Bulang Beru, siagang allo-allo maraengannaya nipakatangkasaka untu' ampakala'biriki Karaeng Allata'alana ikambe. Nasaba' le'ba'mi Naparentakang sollanna nagaukang tu Israel anjo kammaya sa'genna satunggu-tungguna.
Nampa nasare tugasa' Yoyada sikamma imanga siagang tu Lewia untu' angngurusuki jama-jamanga ri Balla'Na Batara situru' pambageang jama-jamang le'baka natantukang Karaeng Daud. Musti assarei ke'nanga koro'bang nitunu mae ri Batara – situru' hukkung-hukkung napassareanga Musa – siagang passua'-suarrang kammayatompa kelong-kelong sangkamma le'baka naatoro' Daud.
Battu ri olo'-olo' piara kalenna karaenga, assaremi karaenga sumbangang niparalluanga untu' koro'bang bari'basa' karuenga siagang koro'bang nipassareanga ri allo Pammari-marianga, ri Allo Lompo Bulang Berua, siagang ri allo-allo lompo maraengannaya, kammayami le'baka nipattantu lalang ri hukkung-hukkunNa Batara.
Anjo koro'bang-koro'banga nipassareangi situru' hukkung napassareanga Musa untu' tunggala' allo lompoa, kammayami: allo Pammari-marianga, allo lompo Bulang Beru, siagang tallua allo lompo taung-taung iamintu allo lompo Roti Tenaya Nammake Pa'gambang, allo lompo Pakkattoang, siagang allo lompo Pa'balla'-ballakang Leko'-leko'.
Pantaranganna anjo, manna apa-apa mamo niparalluang manuru' sikamma imanga ri Yerusalem, alarapanna sapi laki rungka, gimbala' laki siagang ana' gimbala' untu' koro'bang passare mae ri Allata'ala makoasaya ri suruga, kammayatompa gandung, ce'la, anggoro', siagang minynya' zaitun, musti teako takkaluppai ansarei ke'nanga allo-allo.
Lanapasadiai ikambe sikamma kaparalluanga untu' panynyombang ri Balla'Na Batara ri Yerusalem, iamintu: roti lanipatalaya, gandung passare allo-alloa, olo'-olo' untu' koro'bang nitunu allo-alloa, passare matangkasa' maraengannaya, koro'bang-koro'bang untu' nipammopporanna dosa Israel, siagang sikontu apa niparluanga untu' Balla'Na Batara ri Yerusalem.
Tena matu-matunna nuerang anjo passarea. ErokkA' ta'langnge angngaraki rasanna. BirisikkA' siagang tena Kuparrang ancinikko ampakalompoi Bulang Berua, allo-allo Pammari-marianga, allo-allo lompo kammayatompa sikamma passirapakkang agamanu. Yangasenna anjo nurantassi lanri dosa-dosanu, siagang a'jarimi erangngang battala' mae ri Nakke; mangngamMa' Kusa'ring angngerangi.
Iami musti ammalli olo'-olo' untu' koro'bang nitunu siagang bahang-bahang untu' koro'bang gandung siagang koro'bang anggoro' untu' sikontu bansa Israel ri allo-allo lompoa, iamintu allo lompo Bulang Beru, allo Pammari-mariang, siagang allo lompo maraengannaya. Musti appasadiai koro'bang untu' pammopporang dosa, koro'bang gandung, koro'bang nitunu, siagang koro'bang passiamakkang untu' appala' popporo' lanri ri dosana bansa Israel.”
Ri allo-allo lompoa siagang passua'-suarranga, sikamma sapi lakia siagang gimbala' laki nipassareanga musti nipasiagangi siagang gandung 17,5 litere', kammayatompa tunggala' ana' gimbalaka siapa-siapa situru' ero'na tau anggaukangai ibadaya. Tunggala' koro'bang gandunga musti nipasiagangi siagang passare minynya' zaitun iamintu tallu litere'.
ကြော်ငြာတွေ