PAMMILANGNGANG 27:7 - KITTA' MATANGKASA'

⁷ “Anjo kananna ana'na Zelafehad siratang memang tongi. Jari sare tongi ke'nanga butta pisaka sangkamma siagang bija pammanakanna manggena ke'nanga. Anjo warisi'na Zelafehad musti nipassareangi mae ri ana'-ana'na bainea.

PAMMILANGNGANG 27:7 ပူးပေါင်းရင်းမြစ်များ

AYUB 42:15

Ri sikontu anjo pa'rasanganga tenamo sangkammanna ga'gana anjo tallua ana' bainena Ayub. Nisaremi ke'nanga pambageang battu ri warisi'na manggena, sangkamma sari'battang bura'nena ke'nanga.

PAMMUJI 68:5

Makkelongko mae ri Allata'ala, pujimi arenNa, pasadiai agang lompoa labattua a'dongko' rammang. ArenNa Batara, assannang-sannang mako ri dallekanNa!

YEREMIA 49:11

He Edom! Boli'mi ana'-ana' kukannu ri Nakke, iNakke lamparakai ke'nanga. Lappassammi sikamma jandaya napadongko' panrannuanna mae ri Nakke.

PAMMILANGNGANG 27:6

Na Nakanamo Batara ri Musa,

PAMMILANGNGANG 27:8

Pauangi bansa Israel angkanaya punna nia' sitau tu bura'ne mate nampa tena ana'na bura'ne, anjo tana pisakaya musti niwarisiki mae ri ana'na bainea.

PAMMILANGNGANG 36:5

Nampa napabattumo Musa anne parentaNa Batara mae ri bansa Israel, angkanaya, “Annabai anjo apa napaua jari-jarina Yusuf,

PAMMILANGNGANG 36:6

na lanri kammana anjo Napaumi Batara angkanaya sikamma ana'-ana' bainena Zelafehad akkullei a'bunting manna pole siagang inai, ia nangaia ke'nanga, assala' a'julu sukui siagang ke'nanga.

GALATIA 3:28

Lalang ri kammana anjo tenamo nanipasimmaraengi tu Yahudia siagang bansa-bansa maraenga, yareka ataya siagang tau bebasaka, yareka tu bura'nea na tu bainea. A'jari se're ngaseng mako lanri Isa Almasi.

YOSUA 17:4

A'lampai ke'nanga mange ri Imang Eleazar, Yosua ana'na Nun siagang sikamma pamimpinga, na nakana ke'nanga, “Nakana Batara mae ri Musa angkana ikambe musti para anggappa tongi butta sangkamma sari'battanna ikambe bura'nea.” Lanri kammana anjo, situru' parentaNa Batara, anjo ana'na ngaseng Zelafehad para nisare tongi butta sangkamma sari'battang bura'nena ke'nanga.