PAMMILANGNGANG 27:4 - KITTA' MATANGKASA'

⁴ Mingka angngapa namusti tappela' arenna battu ri bansa Israel lanri tenanaja bawang ana'na bura'ne? Sare tongi ikambe butta pisaka sangkamma siagang bija pammanakanna manggena ikambe maraenga.”

PAMMILANGNGANG 27:4 ပူးပေါင်းရင်းမြစ်များ

PAMMUJI 109:13

Boli'mi kamma nipaccappu' sikontu turunganna, na nikaluppai arenna ri ana'-ana' ri bokoa.

KALAPPASSANG 32:11

Napala'mi Musa mae ri Karaeng Allata'alana, nakana, “O, Batara, angngapa namusti kamma anjo Kigaukang mae ri ke'nanga? Sai iKatte ampasalamaki ke'nanga battu ri Mesir siagang kakoasanTa na kagassingang lompoTa?

PANGNGEBARANG 13:9

Tau bajika sanrapangi caya sannaka singara'na; tau ja'dalaka sanrapangi lampu matea.

PAMMILANGNGANG 27:3

“Matei manggena ikambe ri parang lompoa na tena ana'na bura'ne. Ia tena namminawang ri Korah ri wattunna angngewa Korah ri Batara. Anjo manggena ikambe matei lanri dosana tonji.

PAMMILANGNGANG 27:5

Nampa napabattumo Musa anjo parkarana ke'nanga mae ri Batara.

YOSUA 17:4

A'lampai ke'nanga mange ri Imang Eleazar, Yosua ana'na Nun siagang sikamma pamimpinga, na nakana ke'nanga, “Nakana Batara mae ri Musa angkana ikambe musti para anggappa tongi butta sangkamma sari'battanna ikambe bura'nea.” Lanri kammana anjo, situru' parentaNa Batara, anjo ana'na ngaseng Zelafehad para nisare tongi butta sangkamma sari'battang bura'nena ke'nanga.