PAMMILANGNGANG 27:21 - KITTA' MATANGKASA'

²¹ Yosua musti appalaki pangngunju' battu ri Imang Eleazar, nampa Eleazar musti napakkuta'nangngangi apa erokKu ammake Urim siagang Tumim. Kammaminjo carana Eleazar ampimpingi Yosua siagang sikontu bansa Israel lalang sikontu passala' nadallekanga ke'nanga.”

PAMMILANGNGANG 27:21 ပူးပေါင်းရင်းမြစ်များ

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

EZRA 2:63

Nipisangkai ri guburnur daera Yehuda ke'nanga angnganre kanre nipassareanga ri Allata'ala, sa'genna nia' imang akkulle appala' kasingarang lanri ammake Urim siagang Tumim.

NEHEMIA 7:65

Guburnurna daera Yehuda tanapa'biangai ke'nanga angnganre kanre nipassareanga mae ri Allata'ala, sa'genna nia' sitau imang akkulle appala' pitunju' ammake Urim siagang Tumim.

KALAPPASSANG 28:30

Boliki anjo Urim siagang Tumim lalang ri anjo pa'lapa' barambanga untu' napake Harun punna andallekang ri Nakke. Ri wattu-wattu kammaya anjo musti tuli ammakei pa'lapa' barambang, sollanna akkulle naasseng angkana apa erokKu mae ri ummakKu Israel.”

KAIMANGNGANG 8:8

Nampa napataba pa'lapa' barambanga ri barambanna Harun, siagang napantama'mi ri anjo pa'lapa' barambanga anjo nikanaya Urim siagang Tumim.

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

PAMMILANGNGANG 27:17

Sitau akkullea a'jari panglima punna a'bundu' ke'nanga. Teaki' lappassangngi anne ummatTa sanrapang gimbala' tenaya pakalawakinna.”

PAMMILANGNGANG 27:2

Anjo limaya ana'na Zelafehad a'lampai mange andallekang ri Musa, siagang Imang Eleazar, kammayatompa sikamma pamimpinga siagang sikontu umma' niaka sitabang asse're ri ampi'na pakke'bu' KemaNa Batara. Nakana ke'nanga,

PAMMILANGNGANG 27:20

Passareangi sipa'gang mae ri ia kakoasannu, sollanna mannuruki umma' Israel mae ri ia.

PAMMILANGNGANG 27:22

Nagaukammi Musa situru' anjo apa Naparentakanga Batara mae ri ia. Nasuromi Yosua ammenteng ri dallekanna Imang Eleazar siagang sikontu ummaka.

PAMMILANGNGANG 27:5

Nampa napabattumo Musa anjo parkarana ke'nanga mae ri Batara.

PAOLE 31:3

KalenNa Karaeng Allata'alanu la'jappa ri dallekannu siagang ampanraki bansa-bansa ammantangnga anjoreng, sa'genna akkulle nupammantangngi buttana ke'nanga. Yosua la'jari pamimpinnu, sangkamma le'baka Napau Batara.

PAOLE 33:8

Ri sesena suku Lewi nakana: “Lanri Urim siagang Tumim na'nyata erotTa, tete ri tu Lewi, ata tamamminraTa. Kiso'ri ke'nanga ri Masa, a'gea' siagang ke'nanga ri bungung Meriba.

YOSUA 9:14

Naallemi tu Israel sike'de' anjo kanrena tu Gibeon, siagang takkuta'nangngai ri Batara ri sesena anjo passalaka.

HAKING-HAKING 1:1

Ri matenamo Yosua, akkuta'nammi umma' Israel ri Batara angkana, “Batara, suku kereangami musti appakkaramula a'lampa mange ambunduki tu Kanaan?”

HAKING-HAKING 20:18

A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”

1 SAMUEL 14:19

Lalang a'bicarana Saul mae ri anjo imanga, pila' katambammi karicuanga lalang ri kemana tu Filistin, sa'genna nakanamo Saul ri anjo imanga, “Tena kisawe appala' pitunju' battu ri Batara!”

1 SAMUEL 23:9

Mingka naassemmi Daud angkanaya appikkiri' ja'dalaki Saul mae ri ia. Lanri kammana anjo nakanamo ri Imang Abyatar, “Erangi anjo efodka mae anrinni.”

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.

1 SAMUEL 30:7

Nampa nakanamo Daud ri Imang Abyatar ana'na Ahimelekh, “Erangi anjo efodka mae anrinni!” Jari naerammi Abyatar anjo efodka mae ri ia.