PAMMILANGNGANG 27:16 - KITTA' MATANGKASA'

¹⁶ nakana, “O, Karaeng Allata'ala, assarea' katallassang mae ri sikontu apa attallasaka, kupalaki, Ki'jo'joki sitau akkullea ampimpingi anne bansaya;

PAMMILANGNGANG 27:16 ပူးပေါင်းရင်းမြစ်များ

1 KARAENG-KARAENG 5:5

Le'ba'mi a'janji Batara mae ri manggeku Daud angkana, ‘Ana' bura'nenu laKuangkaka' a'jari karaeng ansambeangko, iami lambangung tampa' passambayangang mae ri Nakke.’ Lanri kammana anjo, Karaeng Hiram mala'birika, inakke Salomo, le'ba'mi kutappuki untu' ambangungi anjo bangunanga.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

YEREMIA 3:15

LaKusareko pamimping-pamimping mannurukia ri Nakke. Lanapimpingko ke'nanga siagang baji' kammayatompa mapahang bajika.

YEREMIA 32:27

“INakkemi Batara, Allata'alana sikontu rupataua. Tena apa-apa sukkara' mae ri Nakke.

YEREMIA 38:16

A'janji cokko-cokkomi Karaeng Zedekia ri nakke, nakana, “Lanri arenNa Allata'ala mattallasaka, iamintu Allata'ala assareaki' tallasa', assumpa' angkanaya tena nalaKubunoko yareka tena naKupassareangko mae ri tau eroka ambunoko.”

YEHEZKIEL 18:4

Nyawana tunggala' taua iNakke pata, baji' nanyawana tau toana kammayatompa nyawana ana'na. Tau dorakaya, lamatei.

YEHEZKIEL 34:23

LangngangkakKa' sitau karaeng sangkammaya atangKu Daud, untu' a'jari pakalawaki tenaya ruanna mae ri ke'nanga, siagang iami lamparakai ke'nanga.

YEHEZKIEL 37:24

Lanipa'jari se'rei ke'nanga irawangang parentana se'rea karaeng sangkammaya Karaeng Daud, ammarentaya satunggu-tungguna. Lamajarreki ke'nanga anturuki hukkung-hukkungKu. Nampa sa'genna satunggu-tungguna ke'nanga siagang jari-jarina ke'nanga lanapammantangngi anjo pa'rasanganga, iamintu pa'rasangang Kupassareanga mae ri Yakub siagang napammantangngia boe-boena ke'nanga.

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

PAMMILANGNGANG 27:15

Nampa appala' doammo Musa,

MATIUS 9:38

Jari pala'mi ri patanna tana sollanna nasuro battu pakattona.”

YOHANES 10:11

INakkemi pakalawaki bajika. Ia pakalawaki bajika, napassareangi nyawana untu' katallassanna gimbala'na ngaseng.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

PAOLE 31:14

Nampa Nakana Batara mae ri Musa, “Tenamo nusallo attallasa'. Jari, kioki Yosua, siagang erangi mae ri KemaKu, sollanna akkulle Kusare siapa are pangngunju'.” Jari a'lampami Musa siagang Yosua mange ri anjo Kemaya,

IBRANI 12:9

Nia' manggeta ri lino. Naajarakki' siagang nipakala'biriki. Jari, la'biangampa mae ri Mangge rohanita, niaka ri suruga, tantu musti la'bi tundukki' mae ri Ia sollanta attallasa'.

1 SAMUEL 12:13

Kamma-kamma anne, cini'mi, iaminne karaeng anjo nupilea. Le'ba'mi nupala', na Nasaremako Batara.