PAMMILANGNGANG 26:64 - KITTA' MATANGKASA'

⁶⁴ Battu ri sikamma tau nidattaraka ri Musa siagang Harun ri parang lompona Sinai, tenamo manna sitau attallasa'.

PAMMILANGNGANG 26:64 ပူးပေါင်းရင်းမြစ်များ

PAMMILANGNGANG 14:29

A'moro-moro ngaseng mako mae ri Nakke. Lanri kammana anjo lamateko siagang latassiaraki maya'nu ri anne parang lompoa. Pantaranganna Kaleb siagang Yosua, tena manna sitau battu ri kau ngaseng umuru' ruampulo taunga sa'genna irateanganna lakkulle antama' ri pa'rasangang Kupa'janjianga mae ri kau.

PAMMILANGNGANG 14:32

Sa'dangkang ikau lamate ngasengko anrinni ri parang lompoa.

PAMMILANGNGANG 26:63

Iaminjo dattara' napareka Musa siagang Imang Eleazar ri passala'na sikamma golongang niaka lalang ri Israel ri wattunna nibilang ke'nanga ri Lappara' Moab ba'leanna Binanga Yordan ri ampi'na kota Yerikho.

PAMMILANGNGANG 27:3

“Matei manggena ikambe ri parang lompoa na tena ana'na bura'ne. Ia tena namminawang ri Korah ri wattunna angngewa Korah ri Batara. Anjo manggena ikambe matei lanri dosana tonji.

1 KORINTUS 10:5

Mingka manna nakamma mamo, jaiangangi ri ke'nanga taningaia ri Allata'ala; iaminjo saba'na nasanna' jaina maya'na ke'nanga attambung ri parang lompoa.

IBRANI 3:17

Siagang inaika Nakalarroi Allata'ala patampulo taung sallona? Sai iami anjo ke'nanga dorakaya siagang matea ri parang lompoa?

YOSUA 5:4

Ri wattunna assulu' tu Israel battu ri Mesir, sikontu tu bura'nea le'ba' ngasemmi nisunna'. Mingka ri wattunna a'lampa ke'nanga alla'bang ri parang kassika patampulo taung sallona, manna sitau ana'-ana' bura'nea tania' nisunna'. Na ri wattunna kala'busanna anjo wattu patampuloa taung, sikamma tu bura'ne umuru' akkulleamo a'jari tantara ri wattunna assulu' ke'nanga battu ri butta Mesir, mate ngasemmi, lanri tenana namannuruki ri parentaNa Batara. Jari situru' sumpaNa Batara, tena Nanipa'biangi ke'nanga anciniki anjo pa'rasangang kalumanynyanga siagang butta coppong Napa'janjianga Batara mae ri boe-boena ke'nanga.