PAMMILANGNGANG 26:29 - KITTA' MATANGKASA'

²⁹ Battu ri suku Manasye: Makhir, ana'na Manasye, iami manggena Gilead; siagang sikamma golongang anne jari-jarina Gilead:

PAMMILANGNGANG 26:29 ပူးပေါင်းရင်းမြစ်များ

PA'JARIANG 50:23

Narapi' iji nacini' ana' cucunna Efraim. Narapi' tongngiji naparakai ana'-ana'na Makhir, iamintu cucunna Manasye, napasangkamma ana' kalenna.

1 PATTOTTORANG 2:21

Ri wattunna annampulo taung umuru'na Hezron, a'buntingi siagang sari'battang bainena Gilead, iamintu ana'na Makhir. Nia' sitau ana' bura'nena ke'nanga niareng Segub.

PAMMILANGNGANG 36:1

Sikamma kapala kaluargaya lalang ri Golongang Gilead, ana'na Makhir, iamintu cucunna Manasye, ana'na Yusuf, a'lampai mange andallekang ri Musa siagang sikamma pamimping maraenganga.

PAOLE 3:15

“Daera Gilead kupassareangi mae ri golongang Makhir battu ri suku Manasye.

YOSUA 17:1

Siapa are bageang ri bageang laukanna Binanga Yordan nipassareangi mae ri bageruanna kaluarga-kaluarga Manasye, ana' toana Yusuf. Makhir, manggena Gilead, iami ana' toana Manasye. Nasaba' ia se'rei tantara pejuang, jari daera Gilead siagang Basan niaka irayanganna Binanga Yordan nipassareang mae ri ia.

HAKING-HAKING 5:14

Battu ri Efraim a'jappa ke'nanga nanaung parang lappara' amminawang ri tantara Benyamin a'barrisika ri dallekanna ke'nanga. Nia'mi sikamma panglimana, battu ri Makhir nammentemmo sikamma perwiraya battu ri Zebulon.