PAMMILANGNGANG 25:8 - KITTA' MATANGKASA'

⁸ nampa naondang anjo bura'nea siagang bainea antama' ri kemaya. Nampa nacoka anjo ruaya tau siagang anjo pokea. Sikali ammarimi anjo balaya ri tangnga-tangngana tu Israel.

PAMMILANGNGANG 25:8 ပူးပေါင်းရင်းမြစ်များ

2 SAMUEL 21:14

Nampa nitarawang anjo buku-bukunna Saul siagang Yonatan kammayatompa buku-bukunna anjo tujua tau lalang ri jera'na Kish manggena Saul ri Zela ri daerana suku Benyamin. Ri le'ba'na ngasemmo nigaukang situru' parentana karaenga, niturukiammi pappala' doanna ke'nanga ri Allata'ala untu' anjo pa'rasanganga.

2 SAMUEL 24:25

Le'baki anjo ambangummi Daud tampa' pakkoro'bangngang untu' Batara anjoreng, siagang assaremi koro'bang nitunu kammayatompa koro'bang passiamakkang. Niturukiammi pappala' doanna Daud ri Batara, nampa ammarimo anjo garringa ri Israel.

1 PATTOTTORANG 21:22

Angkanami Daud ri ia, “Eroka' ambangung tampa' pakkoro'bangngang untu' Batara anrinni ri tampaka, sollanna ammari anne bala garringa. Jari balukammi anne tampaka mae ri nakke. Pau mami siapa ballinna, nalakubayara'.”

MALEAKHI 2:5

Lalang ri anjo parjanjianga Kupa'janjiangi mae ri ke'nanga katallassang amanga siagang salewanganga, siagang Kusuroi ke'nanga ampakalompoA'. Anjo wattua memang napakalompoA' ke'nanga siagang mallaki ri Nakke.

PAMMILANGNGANG 17:13

Punna a'reppese' taua mange ri KemaNa Batara musti matei; jari tenamo panrannuang mae ri kambe!”

PAMMILANGNGANG 25:11

“Sannaki batena Pinehas ana'na Eleazar, cucunna Imang Harun anjagai areng bajikKu ri tangnga-tangngana tu Israel, sa'genna naung larroKu siagang tanjariami Kuancuru' anjo bansaya.

PAMMILANGNGANG 25:5

Nampa nakana Musa mae ri sikamma haking-hakinna tu Israel, “Ikau ngaseng, musti massing nubunoi sikamma tau le'baka anynyomba Baal ri Peor, lalang ri massing sukunu.”

YOSUA 7:26

Le'baki anjo natambungimi ke'nanga anjo tampaka siagang batu sannaka jaina, ia niaka ija anjoreng sa'genna anne alloa. Iaminjo saba'na naniarengija anjo tampa' Ka'bung Kasusaang. Nampa naummo larroNa Batara.