PAMMILANGNGANG 25:18 - KITTA' MATANGKASA'

¹⁸ lanri kaja'dallang le'baka narancanakang mae ri kau ngaseng ri Peor; kammayatompa lanri Kozbi ana'na se'rea kapala suku ri Midian. Anjo baine niarenga Kozbi mate nibunoi ri wattunna kajariang balaya lanri anjo passalaka ri Peor.”

PAMMILANGNGANG 25:18 ပူးပေါင်းရင်းမြစ်များ

PA'JARIANG 26:10

Nakanamo Abimelekh, “Apa anne le'baka nugaukang mae ri kambe? Tena tania'na kalase'renna ra'yakku akkulle sikatinroang siagang bainennu punna kamma. Na punna kajariang anjo kammaya, ikaumi nakatu'guri anne kasalanna ikambe.”

PA'JARIANG 3:13

Akkuta'nammi Karaeng Allata'ala ri anjo bainea angkana, “Angngapa nugaukangi anjo kammaya?” Appialimi angkana, “Nitipua' ri ularaka, sa'genna kukanre anjo rappoa.”

1 KARAENG-KARAENG 11:18

A'lampai ke'nanga battu ri Midian, nampa mange ri Paran. Anjoreng asse'remi ke'nanga siagang siapa are tau maraengannaya, nampa assiagang ke'nanga a'lampa mange ri Mesir angngagangi assibuntulu' karaeng Mesir. Anjo karaenga nasaremi Hadad balla' siagang tampa' untu' pammantanganna siagang kaparalluang katallassang.

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

KALAPPASSANG 32:35

Nampa Napabattumo Batara balaya mae ri sikamma anjo taua, lanri napassana Harun ampareki anjo patung sapi bulaenga.

PAMMILANGNGANG 25:15

Anjo bainea niarengi Kozbi; ana'nai tu niarenga Zur, sitau kapala suku battu ri Midian.

PAMMILANGNGANG 25:17

“Ewai tu Midian, siagang allei ancuru' ke'nanga

PAMMILANGNGANG 26:1

Ammarinamo anjo balaya, Nakanamo Batara mae ri Musa siagang Eleazar, ana'na Imang Harun,

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.