PAMMILANGNGANG 25:14 - KITTA' MATANGKASA'

¹⁴ Anjo tu Israel nibunoa siagang anjo baine tu Midian niarengi Zimri, ana'na Salu, se're kapala kaluarga battu ri suku Simeon.

PAMMILANGNGANG 25:14 ပူးပေါင်းရင်းမြစ်များ

PA'JARIANG 37:28

Na ri wattunna nia' siapa are padanggang battu ri Midian allalo, nipasulu'mi Yusuf ri sikamma sari'battanna battu lalang ri anjo bungunga. Nampa nabalukang ke'nanga ri anjo tu Ismaelka. Na ia ballinna iamintu ruampulo doe' pera'. Nampa nierammo Yusuf ri anjo sikamma padangganga mange ri Mesir.

1 KARAENG-KARAENG 11:18

A'lampai ke'nanga battu ri Midian, nampa mange ri Paran. Anjoreng asse'remi ke'nanga siagang siapa are tau maraengannaya, nampa assiagang ke'nanga a'lampa mange ri Mesir angngagangi assibuntulu' karaeng Mesir. Anjo karaenga nasaremi Hadad balla' siagang tampa' untu' pammantanganna siagang kaparalluang katallassang.

1 PATTOTTORANG 27:16

Iaminne areng-arenna sikamma kapala sukua lalang ri bansa Israel: Suku Kapala Ruben Eliezer ana'na Zikhri Simeon Sefaca ana'na Maakha Lewi Hasabya ana'na Kemuel Harun Zadok Yehuda Elihu, kalase'renna sari'battanna Karaeng Daud Isakhar Omri ana'na Mikhael Zebulon Yismaya ana'na Obaja Naftali Yerimot ana'na Azriel Efraim Hosea ana'na Azazya Manasye ia ri bageang laukanna Binanga Yordan Yoël ana'na Pedaya Manasye ia ri bageang rayanganna Binanga Yordan Yido ana'na Zakharia Benyamin Yaasiel ana'na Abner Dan Azareel ana'na Yeroham

2 PATTOTTORANG 19:7

Musti mallakko ri Batara, siagang tutuko lalang annappuki, lanri anjo Karaeng Allata'alata nakabirisi tau a'gau' jekkonga, tau battala' sialia ri se'reang kara-kara, siagang tau annarimaya doe' pacoco'.”

PAMMILANGNGANG 25:13

Ia siagang jari-jarina Kupattantu salaku imang sa'genna satunggu-tungguna, lanri attojeng-tojenna angngalleangA', Allata'alana, siagang appare'Ma' passiamakkang mae ri dosana tu Israel.”

PAMMILANGNGANG 25:15

Anjo bainea niarengi Kozbi; ana'nai tu niarenga Zur, sitau kapala suku battu ri Midian.

PAMMILANGNGANG 26:14

Sikontu tu bura'nea lalang ri yangasenna anjo golonganga nia' 22.200 jaina tau.

PAPPICINI' 7:7

Simeon, Lewi, Isakhar,