PAMMILANGNGANG 25:13 - KITTA' MATANGKASA'

¹³ Ia siagang jari-jarina Kupattantu salaku imang sa'genna satunggu-tungguna, lanri attojeng-tojenna angngalleangA', Allata'alana, siagang appare'Ma' passiamakkang mae ri dosana tu Israel.”

PAMMILANGNGANG 25:13 ပူးပေါင်းရင်းမြစ်များ

2 SAMUEL 21:3

na nakuta'nang ke'nanga angkana, “Apa akkulle siratang kugaukang mae ri kau ngaseng? Erokka' ampakabajiki kasalang le'baka nigaukang mae ri kau ngaseng, sollanna nubarakkaki umma'Na Batara.”

1 KARAENG-KARAENG 19:10

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Nabongkaraki ke'nanga tampa'-tampa' pakkoro'bangnganga untu' iKatte nampa nabuno sikamma na'bi-na'biTa. Inakke mami bawang tassesa, nampa kamma-kamma anne eroki ke'nanga ambunoa'!”

1 KARAENG-KARAENG 19:14

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Narumbangi tampa'-tampa' pakkoro'bangnganTa siagang nabunoi na'bi-na'biTa. Inakke mami bawang tassesa, siagang kamma-kamma anne eroki ke'nanga ambunoa'!”

1 KARAENG-KARAENG 2:27

Nampa nasuromo Salomo ammari a'jari imang anjo Abyatar. Lanri nagaukanna Salomo anjo kammaya, a'buttimi apa le'baka Napau Batara ri Silo ri passala'na turunganna Imang Eli.

NEHEMIA 13:29

Appala' doanga' angkana, “O, Allata'alaku, Kiu'rangi antekamma batena anjo taua anra'massi tugasa' imanga siagang parjanjianTa siagang sikamma imanga na tu Lewia pole!”

PAMMUJI 106:31

Anjo panggaukanna nabilang amalaki ri kalenna, siagang niu'rangi satunggu-tungguna.

PAMMUJI 119:139

A'barai kamma pepe' larroku lalang ri kalengku lanri nakaluppai musungku ajaranTa.

PAMMUJI 69:9

A'jaria' sanrapang bansa maraeng mae ri bija pammanakangku, sanrapang tau battu pantara' mae ri daengku na andikku.

KALAPPASSANG 29:9

siagang passikko' aya', nampa nupataba soro'banga irate ri ulunna ke'nanga. Kammaminjo carana nilanti' Harun siagang ana'-ana'na. Ke'nanga siagang jari-jarina ke'nanga musti allayaniA' salaku imang sa'genna satunggu-tungguna.

KALAPPASSANG 32:30

Ammukona nakanamo Musa ri anjo bansaya, “Ikau doraka lompo ngaseng mako. Mingka kamma-kamma anne eroka' nai' poleang ri monconga untu' andallekang ri Batara; dasi-dasi na Napammopporanga' siagang Napammopporangi dosa-dosanu.”

KALAPPASSANG 40:15

Nampa minynyaki ke'nanga sangkamma batenu amminynyaki manggena ke'nanga, sollanna akkulle todong ke'nanga allayaniA' salaku imang. Lanri anjo upacara minynyaka, iami ke'nanga siagang jari-jarina anta'galaki jama-jamang kaimangnganga.”

YESAYA 61:6

Lanigallarakko atanNa Allata'ala siagang niarengko imanNa Batarata. Lanukasiaki kakalumanynyanganna bansa-bansaya na lompo pa'mai'nu lanri barang-baranna ke'nanga.

YEREMIA 33:18

tuli lania' imang-imang battu ri suku Lewi allayaniA' siagang assare ri Nakke koro'bang olo'-olo', gandung, siagang passare nitunua.”

YEREMIA 33:22

LaKutambai jari-jarina atangKu Daud siagang imang-imang suku Lewi, sa'genna anjo ke'nanga a'jari rapangi kassi' ri biring tamparanga jaina siagang bintoenga ri langika tenaya nakkulle nirekeng jaina.”

KAIMANGNGANG 15:15

Imanga musti napassareangi sikayu anjo jangang-janganga untu' koro'bang pammopporang dosa, siagang anjo sikayua untu' koro'bang nitunu. Kammaminjo na nagaukammo imanga upacara pannangkasia mae ri anjo taua ri dallekanNa Batara.

MALEAKHI 2:8

Mingka kamma-kamma anne, ikau ngaseng, sikamma imanga, ammengkamako battu ri oloang tojenga. Jai tau anggaukangi salaya lanri ajarang-ajarannu. Nupanrakimi parjanjiang Kupareka siagang ikau ngaseng.

PAMMILANGNGANG 16:46

nampa nakana Musa mae ri Harun, “Allei tampa' pepe'nu, bonei siagang bara pepe' battu ri tampa' pakkoro'bangnganga siagang bonei dupa irateanna. Erangi linta' mae ri ummaka siagang gaukangi upacara pammopporang dosaya untu' ke'nanga. Lintakko! A'rinrami larroNa Batara siagang appakkaramulami garringa.”

PAMMILANGNGANG 16:47

Nagaukammi Harun anjo apa nakananga Musa. Larimi mange ri tangnga-tangngana ummaka sitabanga asse're siagang appakkaramulayamo nitaba ri garring. Jari napadongko'mi Harun anjo dupaya irate ri bara pepeka, siagang nagaukammi upacara pammopporang dosaya untu' ummaka.

PAMMILANGNGANG 17:12

Nampa nakanamo tu Israel mae ri Musa, “Punna kamma, cilakami ikambe! Lapanraki ikambe!

PAMMILANGNGANG 25:14

Anjo tu Israel nibunoa siagang anjo baine tu Midian niarengi Zimri, ana'na Salu, se're kapala kaluarga battu ri suku Simeon.

YOHANES 2:17

Nau'rangimi ana'-ana' gurunNa apa niaka tattulisi' lalang ri Kittaka angkanaya, “O Allata'ala, ia pangngaiKu ri BallatTa, sanrapangi pepe' akkanrea ri atingKu.”

IBRANI 2:17

Jari battuanna, angkanaya Iami musti a'jari sangkamma sari'battanNa ngaseng lalang ri sikontu-kontuna. Siagang lanri kammanami anjo nakkullemo a'jari Imang Malompo, Ia tamalanrea siagang lompo pangngamaseanga. Battu ri iaminjo palayananNa nakkullemo nipammopporang dosana rupataua.

IBRANI 7:11

Irawangang pimpinannai imang-imang Lewi nanipassareang hukkung agama Yahudia mae ri umma' Israelka. Lanri riolo, takkulleai nagaukang imang-imang Lewi sa'genna sukku' baji'na anjo jama-jamang musti nagaukanga ke'nanga, jari musti nia' imang maraeng, iamintu sangkammaya Imang Melkisedek; jari teaimi imang battu ri golonganna Harun.

YOSUA 7:12

Iaminjo saba'na natenamo nakkulle attahang ke'nanga andallekangi musua. Nitunrungi nipamono' boko ke'nanga ri musua, lanri kalenna ke'nanga nipitujuimi hukkungang untu' niancuru'. Tenamo nalaKururungangko, punna tenapa naniancuruki anjo barang-barang tenaya nakkulle nialle.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

1 YOHANES 2:2

Tete ri Ia minjo Isa Almasi nanipammopporang dosa-dosata. Siagang teai dosa-dosataji bawang, passangalinna dosana pole sikontu rupataua.

PAPPICINI' 1:6

Nampa Napa'jariki' se're bansa imang-imang, allayania mae ri Allata'ala, ManggeNa. Iaminjo Isa Almasi malompoa siagang makoasaya sa'genna satunggu-tungguna. Aming!

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.