PAMMILANGNGANG 25:1 - KITTA' MATANGKASA'

¹ Lalang ammantanna bansa Israel ri Lappara' Ka'bung Sitim, appakkaramulami tubura'-bura'nena ke'nanga a'gau' bawang siagang tubai'-baine bansa Moab niaka anjoreng.

PAMMILANGNGANG 25:1 ပူးပေါင်းရင်းမြစ်များ

2 KARAENG-KARAENG 23:7

Sikontu kamaraka lalang ri Balla'Na Batara le'baka napake baine pasundala'na balla'-balla' panynyombanga untu' anggaukangi gau' salana salaku panynyomba mae ri rewataya, niputta kabusuki. (Lalang ri anjo kamaraka napakei tubai'-bainea attannung kaeng untu' nipake anynyomba mae ri Dewi Asyera.)

PAMMUJI 106:28

Nampa anynyomba Baal ke'nanga ri Peor, na nakanre kanre nipassareanga mae ri rewata-rewataya.

KALAPPASSANG 22:19

Tau a'gau' bawanga siagang olo'-oloka musti nibunoi.

KALAPPASSANG 34:15

Teako appareki parjanjiang siagang bansa niaka anjoreng, nasaba' ri wattunna anynyomba siagang assare koro'bang ke'nanga mae ri rewata-rewatana ke'nanga lanakio' tongko, siagang lanupinawangi ke'nanga.

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

YEREMIA 40:11

Lalang anjo wattua sikontu tu Israel niaka ri pa'rasangang Moab, Amon, Edom, siagang pa'rasangang-pa'rasangang maraenga, nalangngereki angkanaya karaeng Babel nasaremi ising sipa'gang tu Israel ammantang ri Yehuda, kammayatompa angkanaya le'ba'mi naangka' Gedalya a'jari guburnur.

YEHEZKIEL 20:21

Mingka anjo tau rungka-rungkaya tena todong namappilangngeri ri Nakke. Nadakkai ke'nanga hukkung-hukkungKu siagang nabalang parekangi parenta-parentaKu, ampattantuai angkana inai-nai tau anturuki latuli attallasaki. Nara'massi ke'nanga allo Pammari-marianga. Lanri kammana anjo sadiaMa' ero' ampabattui pangngalarroingKu mae ri ke'nanga anjoreng ri parang kassika siagang ambunoi ke'nanga.

HOSEA 9:10

Nakana Batara, “Ri wattu uru Kubuntulu'na Israel, rannuA' rapang tau anggappaya rappo anggoro' ri parang lompoa. Ri wattu uru Kucini'na boe-boenu sanna' sannanna nyawaKu, rapang tau uru ancinikai rappo bungasa'na rappo araya. Mingka, ri wattunna a'lampa ke'nanga mange ri Bulu' Peor, appakkaramulami ke'nanga anynyomba ri Baal, sa'genna a'jari ra'masa' ke'nanga sangkamma ra'masa'na anjo rewata nangaia ke'nanga.

MIKHA 6:5

He ummakKu, u'rangi apa narancanakanga Balak karaeng Moab mae ri kau, siagang apa papialinna Bileam ana'na Beor mae ri ia. U'rangi apa kajarianga ri pa'jappannu ri alla'na pakkemaannu ri Sitim siagang Gilgal. Punna nuu'rangi ngasengi anjo sikammaya, lanusadarimi apa le'baka Kugaukang untu' ampasalamakko.”

PAMMILANGNGANG 25:17

“Ewai tu Midian, siagang allei ancuru' ke'nanga

PAMMILANGNGANG 31:2

“A'balasakko mae ri tu Midian lanri apa le'baka nagaukang ke'nanga mae ri bansa Israel. Punna le'baki anjo lamate mako.”

1 KORINTUS 10:8

Ikatte takkulleaki' anggaukangi nikanaya a'gau' bawang, sangkamma nagaukanga ke'nanga. Nasaba' nia' ruampulo antallussa'bu jaina battu ri ke'nanga mate lalanna sialloa, lanri nagaukanna kammaya ke'nanga.

PAOLE 3:29

Jari ammantang maki' ri ka'bung ba'leanna kota Bet-Peor.”

PAOLE 32:38

Nusarea angnganre koro'bang jaia jannana, angnginunga jai je'ne' anggoro'. Lappassammi natulungko ke'nanga; suromi ke'nanga battu untu' ampasalamakko ri kamma-kammaya anne.

PAOLE 4:3

Kalennu anciniki apa Nagaukanga Karaeng Allata'alanu ri Moncong Peor. Sikamma tau anynyombaya ri Baal anjoreng ri tampaka Naancuruki,

YOSUA 2:1

Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.

YOSUA 22:17

Apa tenamo nanuu'rangi dosata ri Peor? Anjo wattua nihukkungki' ri Batara siagang garring, manna naikatte anne umma' kalennaKi'! Sa'genna kamma-kamma anne tuli nitanggonna kale'bakkang kakodianna! Maka tanggannakkapi anjo kammaya?

YOSUA 3:1

Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.