PAMMILANGNGANG 24:9 - KITTA' MATANGKASA'

⁹ Anjo bansaya rapangi singa laki siagang singa gana, ammopanga siagang anra'baya. Inaika barani ampabangungi? Dasi-dasi nanibarakkaki tau ambarakkakiako, siagang nitunrai tau antunraiyako.”

PAMMILANGNGANG 24:9 ပူးပေါင်းရင်းမြစ်များ

PA'JARIANG 12:3

LaKubarakkaki sikamma tau ambarakkakiako siagang laKutunrai sikamma tau antunrayako. Siagang lanri ri kau nalaKubarakkaki sikontu bansaya ri lino.”

PA'JARIANG 27:29

Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

PA'JARIANG 49:9

Yehuda sanrapangi singa rungka; punna le'baki ammuno, ammotereki mange ri ru'munna; anggilingi nampa attinro manna sitau tania' barani mange anronrongi.

1 KARAENG-KARAENG 10:20

Ri massing cappa' kairina siagang cappa' kananna anjo baringang tukaka nia' patung singa – yangasenna nia' sampulo anrua jaina. Tenanniakka nale'ba' nia' empoang karaeng kammaya anjo manna pole na ri kakaraengang kemae.

2 PATTOTTORANG 9:18

Anjo kaderaya nia' panna'gallanna siagang appimbali sa'rinna nia' patung singa. Anjo kaderaya ammakei annang baringang siagang se're pattuppuang bangkeng nilapisika bulaeng. Anjo pattuppuang bangkenga assisambungi siagang kaderaya.

ESTER 6:13

Nacaritami mae ri bainenna siagang sikamma aganna apa le'baka nagaukang. Jari nakanamo bainenna siagang sikamma anjo agang-aganna appikkiri' bajika, “Appakkaramula mako nabeta gassing Mordekhai. Ia tu Yahudi, nampa takkulleako angngewai. Mattantu lanabetako.”

AYUB 41:10

Sanna' larrona punna nipabangungi ri tinrona; tena manna sitau barani ammenteng ri dallekanna.

PAMMUJI 122:6

Appala' doangko untu' kasalewanganna Yerusalem angkana, “Poro salewangangi sikontu tau mangngaia ri Katte.

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

KALAPPASSANG 23:22

Punna mannurukiko ri ia siagang nugaukang sikontu Kuparentakanga, iNakke la'bundu' angngewai sikontu musunnu.

YESAYA 31:4

Nakana Batara ri nakke, “Rapang singa ammoppoka eroka anjagai apa eroka nakanre, natakkullea nipakamalla' ri sa'ra lompo yareka sa'ra ammarrang battua ri siapa are jaina pakalawaki eroka angngewai, kamma tomminjo la'bundukKa' ero' ampartahangkangi Bulu' Sion.

MIKHA 5:8

Israel lanabetai musu-musunna kammayatompa naancuru' kabusuki ke'nanga.

PAMMILANGNGANG 22:12

Nakanamo Allata'ala ri Bileam, “Teako a'lampai siagang anjo taua, siagang teako tunrai anjo bansaya, nasaba' anjo ke'nanga le'baki Kubarakkaki.”

PAMMILANGNGANG 22:6

La'bi kassakangngangi ke'nanga na ikambe. Jari battu sako mae! Tunraimi anjo ke'nanga untu' inakke. Gassingka akkulleji ikambe ambetai ke'nanga siagang ambongkai ke'nanga battu anrinni ri pa'rasanganga. Nasaba' tappaka' angkanaya inai-nai tau nubarakkaki, langgappai barakka', siagang inai-nai nutunrai langgappai bala.”

PAMMILANGNGANG 23:24

Ambangungi anjo bansaya rapang singa gana, nampa ammenteng kassa' rapang singa laki. Tanra'bayai punna tenapa nakanrei musunna siagang tanainunga cera'na koro'bang le'baka nakokko'.”

PAMMILANGNGANG 24:10

Larromi Balak siagang natannammi panja'guru'na nampa nakana mae ri Bileam, “Ikau kukiokko untu' antunrai musu-musungku, mingka ikau ba'lalo a'giling nubarakkakiji ke'nanga sa'genna pintallung.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

MATIUS 25:45

Lappialimi anjo Karaenga Nakana, ‘Asseng laloi anne: ri wattunnu taeroka antulungi kalase'renna anne tau kaminang tunaya, lalang kammana minjo nutaeroka antulungA'.’

LAMPA-LAMPANA 9:5

Akkuta'nammi Saulus nakana, “InaiKi' antu, Karaeng?” Appialimi anjo sa'raya nakana, “INakke Isa, nusessa dudua.

PAOLE 30:7

Sikontu anjo pattunraya lanipituju mangei ri musu-musunnu birisika ri kau siagang anjallakkangako.